.png "Win Recruit Nepal"){kind=logo}
काठमाडाैँ । जेनजी आन्दोलनका क्रममा उपत्यकामा रक्षात्मक अवस्थामा पुगेको नेपाल प्रहरी फेरि कार्यक्षेत्रमा खटिन थालेको छ । मंगलबार दिउँसो आन्दोलनकारीले चौतर्फी आक्रमण गर्नुका साथै प्रहरीका अधिकांश कार्यालयमा तोडफोड र आगजनी गरेका थिए । यस क्रममा केही प्रहरीको मृत्युसमेत भएको छ ।
आन्दोलकारीले प्रहरीका अधिकांश संरचनासँगै बन्दोबस्तीका सामान र पोशाकसमेत जलाइदिएपछि प्रहरी विस्थापित हुन पुगेको थियो । आन्दोलनकारीको निशानामा परेको काठमाडौं उपत्यका प्रहरी कार्यालय रानीपोखरीको कामसमेत बिहीबारदेखि आंशिक रूपमा सुरु भएको छ ।
कार्यालयको भवन आगजनी र तोडफोडका कारण तत्काल काम अघि बढाउन सक्ने अवस्थामा नरहेकाले यहाँको काम नेपाल पुलिस क्लबबाट सुरु गरिएको छ । प्रहरी प्रधान कार्यालयले प्रहरीका लागि पोशाक तथा अन्यावश्यक सामग्रीका लागि आवश्यक सहजीकरण गरिरहेको काठमाडौं उपत्यका प्रहरीका प्रवक्ता एसएसपी शेखर खनालले जानकारी दिए ।
बस्न सकिने भवनहरूमा पुरानै भवनबाट र बस्न अयोग्य भएका स्थानमानजिकैका स्थानबाट प्रहरीले नियमित काम सुरु गरेको उनले बताए । प्रहरीले नियमित ड्युटीमा फर्किएसँगै जलेका संरचना र सामग्रीको क्षतिको मूल्यांकन गर्ने कामसमेत सुरु हुने खनालले शिलापत्रलाई जानकारी गराए । आन्दोलनका क्रममा प्रदर्शनकारीले प्रहरी कार्यालयलाई निशाना बनाउँदा सयौं सवारी साधनसमेत जलेर नष्ट भएका छन् ।
1667912853.jpg)
.JPG)
.jpeg)
.jpg)
प्रतिक्रिया गर्न लग इन गर्नु होस्:
Log in with Google