.png "Win Recruit Nepal"){kind=logo}
काठमाडौं । मलेसिया पठाईदिन्छु भनी रकम ठगी गर्ने युवती पक्राउ परेकी छन् । काठमाण्डौं उपत्यका अपराध अनुसन्धान कार्यालयले तुलसा वाग्ले अधिकारीलाई काठमाडौंको टोखा नगरपालिका १० बाट पक्राउ गरेको हो ।
नुवाकोट सुर्यगढी गाउँपालिका २ स्थाई घर भई हाल काठमाडौं टोखा १० बस्ने वर्ष २७ की तुलसा वाग्ले अधिकारीले खिमलाल बुढा मगर समेत २ जनालाई वैदेशिक रोजगारीको लागि मलेसिया पठाईदिन्छु, आकर्षक तलब हुन्छ भनी विश्वास दिलाई प्रलोभनमा पारी रकम लिई सम्पर्क विहीन भई ठगी गरेको गरेको आरोपमा पक्राउ गरिएको प्रहरीले जनाएको छ ।
वैदेशिक रोजगार विभागबाट उनलाई पक्राउ गरी उपस्थित गराइदिन हुन भनि पत्राचार भएपछि वाग्लेलाई पक्राउ गरिएको काठमाण्डौं उपत्यका अपराध अनुसन्धान कार्यालयले जनाएको छ । उनलाई थप अनुसन्धान तथा कारवाहीको लागि वैदेशिक रोजगार विभाग ताहाचल, काठमाडौं पठाईएको छ ।
1667912853.jpg)
.JPG)
