चितवन प्रहरीले समात्याे ३९६ किलो लागुऔषध गाँजासहितकाे ट्रक

दर्पण दैनिक

३ पुष २०८०,१९:०७

चितवन । जिल्ला प्रहरी कार्यालय चितवनबाट खटिएको प्रहरी उपरीक्षक रामेश्वर कार्कीसमेतको प्रहरी टोलीले ३९६ किलो लागुऔषध गाँजा, ट्रकसहित २ जना नियन्त्रणमा लिएको छ । प्रहरीले गाँजा बोकेको भारतिय नम्बर प्लेट व्ज्ण्द्दध्ढटघज्ञ को ट्रकसहित २ जनालाई प्हरीले नियन्त्रणमा लिएको हो ।

मुग्लिङबाट नारायणगढतर्फ आउदै गरेको ट्रकलाई रोकी चेकजाँच गर्ने क्रममा उक्त ट्रकको क्याविनको भागमा फल्स बटम बनाई सो फल्स बटममा प्लास्टिकले बेरिएका २८ वटा पोका बनाई लुकाई छिपाई ल्याएको लागुऔषध गाँजा ३९६ किलो ग्राम फेला परेको प्रहरीले जनाएको छ ।

उक्त (ट्रक) चालक भारत उत्तरप्रदेश सम्बल जिल्ला बैजई थाना पूरागाँउ बस्ने बर्ष ४५ को अनिल गिरी र सोहि ट्रकमा सवार उत्तरप्रदेश सम्बल जिल्ला केलादेवी थाना अपावती कुतवपूर गाँउ बस्ने बर्ष ३७ को राजपाल सिंहलाई प्रहरीले प्रक्राउ गरेको हो ।

गाँजा र सवारी साधन (ट्रक) सहित नियन्त्रणमा लिई थप अनुसन्धान भईरहेको चितवन प्रहरीले जनाएको छ ।