लिखुपिके गाउँपालिकामा वृहत् शैक्षिक सामाग्री प्रदशनी मेला सम्पन्न

दर्पण दैनिक

१७ माघ २०८१,१५:४९

सोलुखुम्बु । लिखुपिके गाउँपालिकामा शिक्षा युवा तथा खेलकुद शाखाद्वारा आयोजना गरिएको वृहत् शैक्षिक सामाग्री प्रदशनी मेला सम्पन्न भएको छ । लिखुपिके गाउँपालिकाभित्रका २२ वटा विद्यालयमध्ये केही विद्यालयबाहेक प्रायःजसो विद्यालयले शैक्षिक सामाग्री प्रदशनीमा भाग लिएका थिए ।

उक्त शैक्षिक सामाग्री प्रदशनी मेलामा आधारभुत तह कक्षा १-५ तर्फ चण्डेश्वरी आधारभुत विद्यालय लिखुपिके २ प्रथम, मञ्जुश्री आधारभुत विद्यालय लिखुपिके ३ द्वितीय तथा जनसेवा आधारभुत विद्यालय लिखुपिके ४ तृतिय भएका छन । त्यस्तै आधारभुत तह कक्षा ६-८ तर्फ जनसेवा आवि प्रथम, हिमगंगा मावि द्वितीय र बुद्व मावि तृतिय भएका छन । त्यस्तै माध्यमिक तहमा भने बुद्व मावि प्रथम, चन्द्रज्योती मावि द्वितीय र हिमगंगा मावि तृतिय भएको छ ।

स्थान ओगट्न असफल भएपनि सबै विद्यालयहरुले शैक्षिक सामाग्रीहरु उत्कृष्ट ढंगबाट निर्माण गरिएको मेला अवलोकनकर्ताले बताए । उक्त शैक्षिक सामाग्री मेलामा लिखुपिके गाउँपालिकाका अध्यक्ष मिना कार्की बस्नेत, उपाध्यक्ष ङवाङल्हाक्पा शेर्पा, ५ वटै वडाका वडा अध्यक्ष, विद्यालय व्यवस्थापन समितिका अध्यक्ष, शिक्षा शाखा संयोजक रेखराज बस्नेत तथा कर्मचारी साथै शिक्षकशिक्षिका लगायत सरोकारवालाहरुले अवलोकन गरेका थिए ।