.png "Win Recruit Nepal"){kind=logo}
काठमाडौँ । सशस्त्र प्रहरी बलको संख्या ३७ हजार १५३ कायम भएको छ । सशस्त्र प्रहरी बल नेपालको संगठन तथा व्यवस्थापन सर्वेक्षण प्रतिवेदन–२०८२ स्वीकृत भएसँगै कुल दरबन्दी संख्या ३७ हजार १५३ कायम भएको हो ।
साधारण समूहतर्फ साधारण उपसमूह, लेखा उपसमूह, कानुन उपसमूह तथा प्राविधिक समूहतर्फ सञ्चार तथा इन्जिनियरिङ र स्वास्थ्यतर्फ गरी उक्त दरबन्दी कायम भएको हो ।
गत २ मंसिरमा बसेको मन्त्रिपरिषद् बैठकले सशस्त्रको संगठन तथा व्यवस्थापन सर्वेक्षण प्रतिवेदन पारित गरेको थियो । त्यसपछि राष्ट्रिय किताबखाना (प्रहरी)ले ५ मंसिरमा कार्यालय, दरबन्दी संरचना र पदबारेको पत्र सशस्त्र प्रहरी बल प्रधान कार्यालयमा पठाएको थियो ।
जसअनुसार सशस्त्र प्रहरी महानिरीक्षक (आइजिपी) १, अतिरिक्त महानिरीक्षक (एआइजी) ३, नायब महानिरीक्षक (डिआइजी) २१, वरिष्ठ उपरीक्षक (एसएसपी) ४३, उपरीक्षक (एसपी) १७५, र नायब उपरीक्षक (डिएसपी) ४८८ जनाको दरबन्दी छ ।
यसैगरी, सशस्त्र प्रहरी निरीक्षक १ हजार १३७, वरिष्ठ नायब निरीक्षक १००, नायब निरीक्षक १ हजार ३८५, सहायक निरीक्षक १ हजार ६१६, वरिष्ठ हवल्दार २ हजार ७९५, हवल्दार ५ हजार ३७०, सहायक हवल्दार ८ हजार ३६२, जवान १३ हजार ६७४ र परिचर १ हजार ९८३ कायम गरिएको छ ।
कुल दरबन्दीमध्ये साधारण समूहको साधारण उपसमूहमा ३६ हजार ६४ जना राखिएको छ । जसमा १ सशस्त्र प्रहरी महानिरीक्षक, ३ सशस्त्र प्रहरी अतिरिक्त महानिरीक्षक, १८ सशस्त्र प्रहरी नायब महानिरीक्षक, ३५ सशस्त्र प्रहरी वरिष्ठ उपरीक्षक, १४८ सशस्त्र प्रहरी उपरीक्षक, ४१८ नायब उपरीक्षक र ९५८ सशस्त्र प्रहरी निरीक्षक छन् ।
यसैगरी, लेखा उपसमूहमा २०१ र कानुन उपसमूहमा १४ जनाको दरबन्दी छ भने २०१ जना दरबन्दी रहेको लेखा उपसमूहको सबैभन्दा ठुलो पद एसएसपी १ जना रहने व्यवस्था गरिएको छ । १४ जना दरबन्दी रहेको कानुन उपसमूहमा भने १ जना डिआइजीको दरबन्दी राखिएको छ ।
यसैगरी, प्राविधिक समूह सञ्चार तथा इन्जिनियरिङतर्फ ५८८ जनाको दरबन्दी कायम भएको छ भने स्वास्थ्यतर्फको दरबन्दी संख्या २८६ कायम भएको छ । दुवैको नेतृत्वमा १–१ जना डिआइजी रहने व्यवस्था गरिएको छ ।
यसैगरी सशस्त्र प्रहरी बलले हालै गरेको संगठन तथा व्यवस्थापन (ओएन्डएम) अनुसार यसअघि सशस्त्र प्रहरी बलको स्थायी कार्यालयको संख्या १११ बाट ३९६ वटा पुगेको छ ।
1667912853.jpg)
.JPG)
.jpeg)
.jpg)
प्रतिक्रिया गर्न लग इन गर्नु होस्:
Log in with Google