.png "Win Recruit Nepal"){kind=logo}
दार्चुला । माथिबाट खसेको ढुंगाले लाग्दा दार्चुलाको लेकम गाउँपालिकाका शिक्षा अधिकृतको मृत्यु भएको छ । सोमबार लेकम गाउँपालिका–४ ओदालीमा भिरबाट खसेको ढुंगाले लागेर ३८ वर्षीय केशवराज ओझाको मृत्यु भएको हाे ।
वडा नम्बर ५ स्थित चौपातामा सोमबार शैक्षिक कार्यक्रम थियो । सामाजिक विकास कार्यालयले आयोजनाको गरेको कार्यक्रममा सहभागी भएर फर्किने क्रममा ओझा सवार मोटरसाइकलमाथि ढुंगा बज्रिएको बताइएकाे छ ।
ओदालीमा जेसिबीको प्रयोग गरेर सडक कटिङ्गको काम भइरहेको छ । मोटरसाइकल चलाइरहेका शिक्षा अधिकृत ओझामाथि ढुंगा बज्रिएर दुर्घटना भएको प्रहरीले जनाएको छ ।
दुर्घटनामा गम्भीर घाइते भएका उनलाई उपचारका लागि चौपाता हुँदै गोकुलेश्वर अस्पतालमा पुर्याइएको थियो। उपचारका क्रममा उनलाई चिकित्सकले मृत घोषणा गरेका हुन ।
गाउँपालिकामा शोक विदा
लेकम गाउँपालिकामा कार्यरत शिक्षा अधिकृत केशव राज ओझाको मोटरसाइकल दुर्घटनामा निधन भएपछि गाउँपालिकाले आज एकदिने शोक विदा घोषणा गरेको छ । सोमबार वडा नं. ४ को पैसखोला नजिकै मोटरसाइकल दुर्घटनामा परेर गम्भीर घाइते भएका ओझाको गोकुलेश्वर अस्पताल पुर्याउँदा चिकित्सकले उनलाई मृत घोषणा गरेका थिए ।
गाउँपालिकाले ओझाको असामयिक निधनप्रति गहिरो दुःख व्यक्त गर्दै श्रद्धाञ्जली अर्पण गरेको छ। साथै, दिवंगतप्रति सम्मान स्वरूप बैशाख २३ गते मंगलबार सम्पूर्ण कार्यालय तथा मातहतका संस्था बन्द रहने निर्णय गरिएको छ ।
गाउँपालिकाका निमित्त प्रमुख प्रशासकीय अधिकृत अम्बादत्त जोशीले सूचना जारी गर्दै मृतक ओझाको परिवारप्रति गहिरो समवेदना प्रकट गरेका छन् र दिवंगत आत्माको चिर शान्तिको कामना गरेका छन् । लेकम गाउँपालिकाले आफ्नो सूचनामार्फत सम्पूर्ण कर्मचारी, नागरिक तथा सरोकारवाला निकायहरूलाई आजको दिन कार्यालय बन्द रहने जानकारी गराएको छ ।
1667912853.jpg)
.JPG)
.jpeg)
.jpg)
प्रतिक्रिया गर्न लग इन गर्नु होस्:
Log in with Google