.png "Win Recruit Nepal"){kind=logo}
मोरङ । मोरङको सुन्दरहरैंचा नगरपालिका १ मा एक कुखुरा फार्ममा भएको हत्या काण्डका अभियुक्त पक्राउ परेका छन् । प्रहरीले सुन्दरहरैंचा नगरपालिक ९ का ४९ वर्षीय सहदेव बजगाईको धारिलो हतियार प्रहार गरी हत्या भएको घटनामा संलग्न रहेको अभियोगमा दुई जनालाई पक्राउ गरेको छ । बिहीबार राति पक्राउ परेका उनीहरूलाई प्रहरीले शनिबार सार्वजनिक गरेको छ ।
पक्राउ पर्नेहरूमा उर्लाबारी नगरपालिक ४ हाटखोला घर भएका ३६ वर्षीय छिरिङ भन्ने सुनिल तामाङ र उनकै श्रीमती ३३ वर्षीया प्रनिसा पाँचकोटी रहेका छन् ।
सुन्दरहरैंचा नगरपालिका १ कुमारगाउँ स्थित आफ्नै कुखुरा फर्ममा सहदेव बिहीबार बिहान मृत अवस्थामा फेला परेको घटनाको अनुसन्धान गर्ने क्रममा प्रहरीले उनीहरूलाई पक्राउ गरेको हो । उनी दुवै जना सो फार्मममा काम गर्थे ।
प्रहरीको प्रारम्भिक अनुसन्धानको क्रममा बुधबार राति फर्म संचालक र सुनिलबीच पारिश्रमिकको विषयमा भएको विवादको कारण उनीहरूले बञ्चरो र फलामको दाउ प्रहार गरी सहदेवको हत्या गरेका थिए ।
उनीहरू उपर कर्तव्य ज्यान मुद्दामा मोरङ जिल्ला अदालतबाट म्याद थप अनुमति लिई प्रहरीबाट थप अनुसन्धान भइरहेको छ ।
1667912853.jpg)
.JPG)
.jpeg)
.jpg)
प्रतिक्रिया गर्न लग इन गर्नु होस्:
Log in with Google