.png "Win Recruit Nepal"){kind=logo}
काठमाडाैँ । वैदेशिक रोजगारमा लैजाने भनी ठगी गरेको अभियोगमा तीन जनालाई प्रहरीले पक्राउ गरेको छ । स्याङ्जाको बिरुवा गाउँपालिका–१ घर भई काठमाडौं महानगरपालिका–३१ बानेश्वर बस्ने ५० वर्षीया कमलाकुमारी केसी, बाग्लुङको बडिगाड गाउँपालिका– ९ घर भई भक्तपुरको सूर्यविनायक नगरपालिका– २, बालकोट बस्ने २२ वर्षीया सीता बुढा र झापाको मेचीनगर नगरपालिका– १० घर भई काठमाडौं महानगरपालिका– २६ नयाँ बसपार्क बस्ने २६ वर्षीय मनिष खड्कालाई पक्राउ गरिएको प्रहरीले जनाएको छ ।
पक्राउ परेकामध्ये केसीले क्रोएसिया पठाइदिन्छु भन्दै चार जनाबाट ८ लाख २५ हजार, बुढाले बेलायत पठाइदिन्छु भन्दै एक जनाबाट २ लाख र खड्काले क्रोएसिया पठाइदिन्छु भन्दै एक जनाबाट २ लाख २५ हजार रुपैयाँ लिई सम्पर्कविहीन भएको उजुरीका आधारमा प्रहरीले पक्राउ गरेको हो ।
उनीहरूलाई आवश्यक अनुसन्धान तथा कारबाहीका लागि वैदेशिक रोजगार विभाग ताहाचल पठाइएको प्रहरीले जनाएको छ ।
यसैबीच, काठमाडौं महानगरपालिका–४ चप्पल कारखानास्थित एक घरमा जुवातास खेलिरहेको अभियोगमा आठ जनालाई गएराति प्रहरीले पक्राउ गरेको छ । प्रहरीले उनीहरूको साथबाट नगद ७९ हजार ४ सय ६५ रुपैयाँ र आठ बुक ताससमेत बरामद गरेको छ ।
1667912853.jpg)
.JPG)
.jpeg)
.jpg)
.jpg)
.jfif)
.jpg)
प्रतिक्रिया गर्न लग इन गर्नु होस्:
Log in with Google