काठमाडौं । नेपाल प्रहरीका १० जना प्रहरी निरीक्षक (इन्स्पेक्टर) को काज सरुवा भएको छ ।
काठमाडौं उपत्यका प्रहरी कार्यालयले हिजो (सोमबार) आफ्नो मातहतका विभिन्न कार्यालयहरूमा कार्यरत इन्स्पेक्टरहरूको आवश्यकताअनुसार काज सरुवा गरेको हो ।
प्रहरी वृत्त जगाती भक्तपुरबाट बासु खरेललाई प्रहरी वृत्त जनसेवा खटाइएको छ । त्यस्तै, प्रहरी वृत्त जनसेवाबाट प्रज्वल थपलियालाई जिल्ला प्रहरी परिसर भक्तपुर खटाइएको छ ।
त्यस्तै, रामसागर सिंहलाई प्रहरी पहरा गण सामाखुसी, दिपेन्द्र बहादुर चन्दलाई काठमाडौं उपत्यका अपराध अनुसन्धान कार्यालय मिनभवन, आशुतोष बहादुर शाहीलाई नगरप्रहरी कार्यालय भृकुटीमण्डप, ईन्द्र प्रसाद चौधरीलाई दरबन्दी फिर्ता गरेर काठमाडौं उपत्यका विशेष सुरक्षा गण त्रिपुरेश्वर खटाइएको छ ।
त्यस्तै, विकाश थपलियालाई ट्राफिक प्रहरी प्रभाग थापाथली, छिरिङ शेर्पालाई ट्राफिक प्रहरी प्रभाग नागढुंगा, उदयसिंह सिजापतीलाई प्रहरी वृत्त लैनचौर र तिलकबहादुर बमलाई नगरप्रहरी कार्यालय भृकुटीमण्डपमा खटाइएको छ ।