.png "Win Recruit Nepal"){kind=logo}
काठमाडाैं । नेकपा (एमाले)का पोलिटब्युरो सदस्य एवं पूर्वमन्त्री महेश बस्नेत र काठमाडौं महानगरपालिकाका मेयर बालेन्द्र शाह (बालेन)बीच भेटवार्ता भएको छ ।
बुधबार भक्तपुरको सूर्यविनायक नगरपालिका–७, गुण्डुस्थित बस्नेतको निवासमा उनीहरूबीच भेटवार्ता भएको हो ।
बस्नेतलाई भेट्न मेयर बालेन गुण्डु पुगेका हुन् । निर्वाचनको समयमा राजनीतिक प्रतिस्पर्धा भए पनि विकास र समृद्धिका विषयमा सहयोग र समन्वय गर्नेबारे उनीहरूबीच छलफल भएको बताइएको छ ।
यस्तै, मेयर बालेनले पुनर्निर्माण गरिएको अनन्तलिंगेश्वर मन्दिर, ऐतिहासिक अनन्त झुला (कुण्ड), निर्माणाधीन राष्ट्रिय प्राणी उद्यान केन्द्रलगायत स्थानको अवलोकन समेत गरेका थिए ।
उनीहरूबीच वर्तमान राजनीति, स्मार्ट सिटीलगायत १५ विषयमा छलफल भएको जनाइएको छ ।
बालेनले महानगरभित्रका अवैध संरचना भत्काउने अभियान चलाएको बेला बस्नेतले विरोध जनाएका थिए ।
नेता बस्नेत र मेयर साहबीच भएका १५ वटा विषयहरु
१. वर्तमान राष्ट्रिय राजनीति,
२. मनोहरा करिडोर निर्माण र त्यहाँका समस्या,
३. मनोहरा नदीको बहाव परिवर्तन र त्यसको समाधान,
४. सकुम्बासी बस्तीको समस्या समाधानको उपाय,
५. कोटेश्वर चोकमा आकाशे पुल निर्माण,
६. हनुमन्ते नदीको ५५ रोपनी र मनोहरा नदीको ४४ रोपनी जग्गा कब्जा,
७. सूर्यविनायकदेखी धुलिखेलसम्मको ६ लेनको सडक स्तरउन्नती,
८. भक्तपुरको नमुनायोग्य विकास र त्यसको अनुकरण,
९. केपी ओली नेतृत्वको सरकारको समयमा भएको विकासलाई हाल गठबन्धनको संघीय सरकारका कारण विकासमा भएको अवरोध र त्यसको असर,
१०. मनोहरा प्लानिङ आयोजना,
११. स्मार्ट सिटी,
१२. भक्तपुरका पर्यटकीय, धार्मिक क्षेत्रको विकास,
१३. प्राणी उद्यान केन्द्र,
१४. अन्तर्राष्ट्रिय स्तरको रंगशाला निर्माण र सहकार्य,
१५. वातावरण प्रदुषण नियन्त्रण,
.jpg)
.jfif)
.jpg)
प्रतिक्रिया गर्न लग इन गर्नु होस्:
Log in with Google