.png "Win Recruit Nepal"){kind=logo}
मनिष रञ्जन बराल , काठमाडौं । पनौती नगरपालिका ५ बाँसघारीमा रहेको मुक्तिनाथ मन्दिरमा दोश्रो ब्रम्हमोत्सव आयोजना हुने भएको छ । श्रीमुक्तिनाथ मन्दिर संरक्षण समितिको आयोजनामा हसन गइरहेको दोश्रो ब्रम्हमोत्सव यहीं बैशाख १७ देखि १९ गतेसम्म सञ्चालन हुने भएको हो ।
उक्त कार्यक्रम अन्तर्गत २०८१ बैशाख १६ गते पुर्वाङ्ग हुनेछ । पुर्वाङ्गका दिन विष्वक्सेन आराधना, पुण्याहवाचन, अङ्कुरारोपण , ब्राह्मणबरण, अग्निप्रतिष्ठा, ध्वजारोहण हुनेछ । बैशाख १७ गते द्वारतोरणपुजनम, चतुस्थानार्चन, नित्यहोम, नित्यपूर्णाहुति हुनेछ ।
मध्यान्ह पछि श्रीदेवी, भूदेवी बल्लभ श्री मुक्तिनाथको यात्रोत्सव हुनेछ । उक्त यात्रा नगर परिक्रमा गर्ने आयोजक समितिले जानकारी दिएको छ । बैशाख १८ गते नित्यपुजाका साथै महापुर्णाहुति, र मध्यान्ह पछि १०८ कलशद्वारा श्रीदेवी, भूदेवी बल्लभ श्रीमुक्तिनाथ भगवानको महाभिषेक, श्रीपुष्पयागम, द्वादशराधना, सत्तावरण, ध्वजावरोहण, सम्भावना हुनेछ । बैशाख १९ गते मुक्तिनाथ भगवानको महाभिषेक हुनेछ ।
२०७४ साल असोज ७ गते शिलान्यास गरिएको पनौती नगरपालिका वडा नम्बर ५ सुब्बा गाउँको मुक्तिनाथ मन्दिर २०७८ असोज २५ गते सोमबारबाट सर्वसाधारणका लागि खुल्ला गरिएको थियो । स्वामी कमलनयानाचार्यद्वारा शिलान्यास गरिएको मुक्तिनाथ मन्दिरको शुभारम्भ कमलनयानाचार्यबाटै गरिएको थियो । समितिका संस्थापक अध्यक्ष गोपालबहादुर थापाले मन्दिरको परिकल्पना, स्थापना र निर्माणका लागि महत्वपूर्ण भूमिका खेलेका थिए ।
मुस्ताङ जिल्लामा रहेको मुक्तिनाथ मन्दिर पछिको विधि अनुसार धामको रूपमा स्थापना गरिएको यो दोस्रो मन्दिर हो । तीन तल्ले यो मन्दिरमा आवश्यक पर्ने विभिन्न संरचना निर्माण गरिएको छ । मुक्तिनाथ धाममा नियमित पूजाको विधि गरिएको छ । विभिन्न क्षेत्रबाट मुक्तिनाथ दर्शन गर्न आउने भक्तजनहरुको संख्यामा उल्लेख्य बृद्धी भएको छ ।
.jpg)
.jfif)
प्रतिक्रिया गर्न लग इन गर्नु होस्:
Log in with Google