.png "Win Recruit Nepal"){kind=logo}
काठमाडाैं । सर्वोच्च अदालतले राष्ट्रिय स्वतन्त्र पार्टीका सभापति रवि लामिछानेको राहदानी दुरुपयोगसम्बन्धी मुद्दामा अन्तरिम आदेश जारी गर्न अस्वीकार गरेको छ । न्यायाधीश हरिप्रसाद फुयाँलको एकल इजलासले अन्तरिम आदेश जारी गर्न अस्वीकार गर्दै बुधवार विपक्षीका नाममा कारण देखाऊ आदेश जारी गरेको हो ।
राहदानी दुरुपयोग सम्बन्धमा मुद्दा नचलाउने भनेर महान्यायाधिवक्ता कार्यालयले गरेको निर्णय बदर गरी अनुसन्धान र कारवाही हुनुपर्ने मागसहित युवराज सफलले दिएको रिटमा प्रारम्भिक सुनुवाइपछि उक्त आदेश जारी भएको हो ।
विपक्षी महान्यायाधिवक्ताको कार्यालयलाई मुद्दा नचल्ने निर्णय गर्नुको कारणबारे लिखित जवाफ दिन आदेश भएको छ ।
यसअघि प्रारम्भिक बहसका क्रममा निवेदक पक्षले रविविरुद्ध मुद्दा नचलाउने भनी निर्णय हुने क्रममा सरकारसँग सौदाबाजी भएको दाबी गरेका थिए ।
वरिष्ठ अधिवक्ता सुरेन्द्र भण्डारीले प्रधानमन्त्रीले विश्वासको मत लिने दिन सौदाबाजी गरी मुद्दा नचल्ने निर्णय गरेको जिकिर गरेका थिए ।
रिटमाथि सरोकारवाला पक्षका रूपमा रविका तर्फबाट बहस गर्दै वरिष्ठ अधिवक्ता सुनिल पोखरेलले महान्यायाधिवक्ताको संवैधानिक अधिकार र विवेकलाई कुण्ठित गर्न नमिल्ने जिकिर गरेका थिए ।
.jpg)
.jfif)
.jpg)
प्रतिक्रिया गर्न लग इन गर्नु होस्:
Log in with Google