.png "Win Recruit Nepal"){kind=logo}
काठमाडौं । निजामती कर्मचारीहरूका राष्ट्रियस्तरका युनियनहरूले विभिन्न आन्दोलनका कार्यक्रमहरू घोषणा गरेका छन् । आफूहरूका मागलाई सरकारले बेवास्ता गरेको बताउँदै कर्मचारीहरूले सरकारको प्रशासनिक केन्द्र सिंहदरबार ठप्प पार्नेसहितका आन्दोलनका कार्यक्रम घोषणा गरेका हुन् ।
घोषित कार्यक्रमअनुसार उनीहरूले वैशाख १९ र २० गते प्रधानमन्त्रीसहित राजनीतिक नेतृत्व र मुख्य सचिवलगायतका उच्च सरकारी अधिकारीहरूलाई एसएमएस पठाउने छन् । वैशाख २१ गते सिंहदरबार कार्यस्थल रहेका कर्मचारीहरू कार्यालयमा अनुपस्थित रही कामकाज ठप्प पार्नेछन् ।
कर्मचारी युनियनका सचिव प्रकाश भट्टराईले सरकारले आफूहरूले बाध्य भएर आन्दोलनका कार्यक्रम घोषणा गरेको बताए ।
“सरकारले प्रस्तावित संघीय निजामती सेवा ऐनमा हाम्रा माग समावेश गरी मस्यौदा तत्काल सार्वजनिक नगरेमा थप आन्दोलनका कार्यक्रम घोषणा हुनेछन्,” उनले भने, “कर्मचारीहरूले उठाएका वृत्ति विकास, सेवा सुरक्षालगायतका माग सम्बोधन हुने गरी चालु अधिवेशनबाट संघीय निजामती सेवा ऐन जारी गर्नुपर्ने हाम्रो माग हो ।”
देश संघीय राज्य व्यवस्थामा गएको लामो समयसम्म संघीय निजामती सेवा ऐन जारी हुन नसक्दा प्रदेश निजामती सेवा ऐन र स्थानीय सेवा ऐन निर्माणमासमेत अन्योलता सिर्जजना भएको उनले बताए ।
निजामती सेवा ऐन जारी गर्न माग गर्दै लामो समयदेखि कर्मचारीहरूले विभिन्न दबाबमूलक कार्यक्रम गर्दै आएका छन् । निजामती सेवामा तहगत प्रणाली लागु गर्ने कि नगर्ने, प्रदेश सचिव तथा स्थानीय तहका प्रमुख प्रशासकीय अधिकृत संघीय निजामती सेवा कर्मचारी हुने कि प्रदेश वा स्थानीय तहको कर्मचारी हुने भन्ने लगायतका विषयमा राजनीतिक सहमति वन्न नसक्दा संघीय निजामती सेवा ऐन जारी हुन नसकेको जानकारहरू बताउछन् ।
.jpg)
.jfif)
.jpg)
प्रतिक्रिया गर्न लग इन गर्नु होस्:
Log in with Google