.png "Win Recruit Nepal"){kind=logo}
काठमाडौं । जिल्ला प्रहरी परिसर काठमाडौंले सुरक्षित तरिकाले होली पर्व मनाउन आग्रह गरेको छ । सभ्य एवम् सुरक्षित तवरले होली पर्व मनाउन आग्रह गर्दै प्रहरी परिसर काठमाडौंले आत्मिय रूपमा नजिक भएका व्यक्ति वा आफन्तसँग मात्र होली खेल्न भनेको छ ।
'होली पर्वको नाममा उश्रृंखल क्रियाकलाप नगरौं । अपरिचिते समूहमा होली नखेलौं,' प्रहरी परिसर काठमाडौंले भनेको छ, 'कसैको इच्छा विपरित रंग, लोला, मोबिल, मोसो, केमिकल र फोहोर पानी नलगाऔं, केमिकल रगंको प्रयोग नगरौं ।'
महंगा गरगहना लगाएर होली नखेल्ने पनि प्रहरीको अनुरोध छ । अपरिचित मानिसले दिएको खानेकुरा नखान, ट्राफिक नियमको पूर्ण पालना गर्न आग्रह गर्दै प्रहरी परिसर काठमाडौंले अशक्त, महिला, बालबालिका, जेष्ठ नागरिक तथा पर्यटकलाई कुनै पनि प्रकारका दर्व्यवहार नगर्न अनुरोध गरेको छ ।
रेलिङ नभएको छत तथा सडकमा होली नखेल्न आग्रह गर्दै प्रहरी परिसर काठमाडौंले नियम विपरित कार्य गर्ने व्यक्तिलाई कानुन बमोजिम सजाय तथा जरिवाना हुने जनाएको छ ।
.jpg)
.jfif)
.jpg)
प्रतिक्रिया गर्न लग इन गर्नु होस्:
Log in with Google