.png "Win Recruit Nepal"){kind=logo}
काठमाडाैं । सर्वोच्च अदालतका प्रधानन्यायाधीशको नियुक्त सिफारिस नभइरहेका बेला संवैधानिक परिषद्को बैठक बोलाइएको छ । सोमबार अपराह्न पाँच बजेका लागि संवैधानिक परिषद्को बैठक बोलाइएको हो ।
शनिबार प्रधानमन्त्री पुष्पकमल दाहाल प्रचण्डले प्रमुख प्रतिपक्षी दलका नेता एमाले अध्यक्ष केपी शर्मा ओलीसँग बैठकबारे छलफल गरेपछि संवैधानिक परिषद् बैठकको मिति तय भएको हो ।
संवैधानिक परिषद्मा प्रमुख प्रतिपक्षी दलका नेता पदेन सदस्य रहने व्यवस्था छ । यसअघिको परिषद् बैठकमा ओलीले पुराना कुरा कोट्याएको भन्दै कुनै निर्णय हुन सकेको थिएन । त्यस दिन सर्वोच्च अदालतका प्रधानन्यायाधीश नियुक्तको सिफारिस हुनसक्ने सम्भावना छ ।
कामु प्रधानन्यायाधीश हरिकृष्ण कार्की प्रधानन्यायाधीशको रोलक्रममा छन् । संवैधानिक परिषद्को सिफारिसलाई संसदको सुनुवाई समितिले अनुमोदन गरेपछि राष्ट्रपतिबाट प्र्रधानन्यायाधीश नियुक्त हुने व्यवस्था छ ।
