.png "Win Recruit Nepal"){kind=logo}
काठमाडाैं । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले प्रस्तावित नीति तथा कार्यक्रम फिर्ता लिन प्रधानमन्त्री पुष्पकमल दाहाल प्रचण्डलाई आग्रह गरेका छन् ।
आइतबार प्रतिनिधिसभा बैठकमा सरकारको नीति तथा कार्यक्रममाथि आफ्ना धारणा राख्दै अध्यक्ष ओलीले नीति तथा कार्यक्रम फिर्ता लिएर पुनर्लेखन गर्न प्रधानमन्त्री प्रचण्डलाई आग्रह गरेका हुन् ।
'यो नीति तथा कार्यक्रमको मिसन छैन,' प्रधानमन्त्री प्रचण्डलाई उनले भने, 'प्रस्तावित नीति तथा कार्यक्रम फिर्ता लिनुस् र पुनर्लेखन गर्नुस् ।' अध्यक्ष ओलीले सरकारलाई नीति तथा कार्यक्रम पुनर्लेखन गर्न समय दिन आफूहरू तयार रहेको पनि बताए ।
'यो फिर्ता लिनुस् र पुनर्लेखन गर्नुस् । हामी नीति तथा कार्यक्रम पुनर्लेखन गर्न समय दिन तयार छौँ,' उनले भने, 'देशको अर्थतन्त्रलाई अगाडि बढाउने खालको नीति तथा कार्यक्रम ल्याउनुस् ।'
