.png "Win Recruit Nepal"){kind=logo}
काठमाडौं । फरार रहेका नेकपा (एमाले)का सांसद लक्ष्मी महतो कोइरीको विदा अन्तत अस्वीकृत भएको छ । प्रतिनिधि सभाको शुक्रबार दिउसो बसेको पहिलो बैठकमा सभामुख देवराज घिमिरेले अन्य सांसदसँग कोइरीको विदा स्वीकृतिका लागि बैठकमा पेश गरेका थिए । फरार रहेका सांसदको पनि विदा स्वीकृतिका लागि पेश गरिएको भन्दै नेकपा (माओवादी केन्द्र)का प्रमुख सचेतक हितराज पाण्डे, लगायत अन्य दलका सांसदले पनि बिरोध जनाएपछि बैठक स्थगित हुन पुगेको थियो ।
पहिलो बैठकमा सभामुख घिमिरेले पेश गरेको प्रतिनिधि सभा सदस्य मनोरमा शेरचन, बिनाकुमारी थनैत, चन्द्रकान्त भण्डारी र वर्षमान पुनको बिदा स्वीकृत भएको थियो । उनीहरुको स्वकृत भए पनि कोइरीको स्वीकृत नभएपछि शुक्रबार राति बसेको बैठकमा कोइरीका बारेमा सभामा विभिन्न विषय उठेको भन्दै यसबारे प्रतिनिधि सभाको आगामी अधिवेशनमा कानून बमोजिम हुने जानकारी गराएका थिए ।
