.png "Win Recruit Nepal"){kind=logo}
झापा । व्यवसायी दुर्गा प्रसाईंले सोमबारदेखि आफ्नो महाअभियानको थालनी गरेका छन् । सोमबार झापाको मेची पुलमा आयोजित एक समारोहमा प्रसाईंको महाअभियानको औपचारिक थालनी गरिएको हो ।
प्रसाईंले संघीयता खारेजी, वैदिक सनातन राज्य घोषणा तथा व्यवसायिक वातावरणको माग गर्दै ‘नागरिक बचाऊ महाअभियान’ थालेका हुन् ।
उनको महाअभियानमा पूर्व राजपरिवारका सदस्यहरूको उपस्थिति रह्यो । पूर्व राजा ज्ञानेन्द्र शाहको हातबाट दीप बालेर महाअभियानको थालनी भएको छ ।
सर्वसाधारणको बाक्लो उपस्थिति रहेको उद्घाटन समारोहमा पूर्वराजा ज्ञानेन्दमा होइन, उनका छोरा पूर्व युवराज पारस शाह तथा पूर्व अधिराजकुमारी प्रेरणा शाह पनि उपस्थित भए । ज्ञानेनद्र र पारसलाई लामो समयपछि एउटै मञ्चमा देखिएको हो ।
मेचीपछि महाकाली तथा काठमाडौंमा दीप बालेर महाअभियान अघि बढाउने प्रसाईंको तयारी छ । केही दिनअघि उनले काठमाडौंमा महाअभियानको कार्यालय उद्घाटन गरेका थिए ।
