.png "Win Recruit Nepal"){kind=logo}
काठमाडौं । काठमाडौं महानगरपालिकाका मेयर बालेन्द्र साह (बालेन)ले नेपाल नागरिक उड्डयन प्राधिकरण विरुद्ध दिएको रिटमा उच्च अदालत, पाटनले अल्पकालीन अन्तरिम आदेश दिएको छ ।
काठमाडौं महानगरले त्रिभुवन विमानस्थल क्षेत्रमा लगाएको फेन्सिङ तारबार विना जानकारी काटेको भन्दै प्राधिकरणले स्पष्टीकरण मागेको थियो । सात दिनभित्र स्पष्टीकरण नदिए कारबाही गर्ने चेतावन दिएको थियो ।
त्यसका विरुद्ध मेयर साहले उच्च अदालतमा रिट दायर गरेका थिए । उनको रिटमाथि सुनुवाइ गर्दै न्यायाधीश धीरबहादुर चन्दको एकल इजलासले अल्पकालीन अन्तरिम आदेश दिएको हो ।
अदालतले प्राधिकरणलाई भनेको छ, ‘लिखित स्पष्टीकरण पेश गर्ने सम्बन्धी मिति २०८०/२/३२ निर्णय तथा सो को आधारमा लेखिएका पत्रहरू कार्यान्वय नगर्न नगराउनु यथास्थितिमा राख्नु भनी विपक्षीको नाउमा उच्च अदालत नियमावली, २०७३ को नियम ४२ (१) (क) बमोजिम अल्पकालीन अन्तरिम आदेश जारी गरी दिएको छ ।’
अदालतले असार १२ गतेसम्मका लागि अल्पकालीन अन्तरिम आदेश दिएको हो । अन्तरिम आदेश दिने वा नदिने भन्ने निर्णय गर्न असार १२ गते दुवै पक्षलाई छलफलका लागि बोलाएको छ ।
त्यस्तै, उच्च अदालतले प्राधिकरणका नाममा कारण देखाउ आदेश पनि दिएको छ। विपक्षको माग बमोजिम किन आदेश दिनु नपर्ने हो त्यसको कारण पेश गर्न भनिएको छ। त्यसका लागि १५ दिनको समय दिइएको छ।
.jpg)
.jfif)
.jpg)
प्रतिक्रिया गर्न लग इन गर्नु होस्:
Log in with Google