लोकेतन्त्रे

रन्जना लम्साल थापा १८ जेष्ठ २०८१,१०:१६
post

- रन्जना लम्साल थापा

 

सत्रौं शताब्दीको उत्तरार्ध बाटै 
अभ्यासमा आएको तिमी 
आज एक्काइसौं शताब्दी सम्मै 
फड्को मार्दै गर्दा  तिमी !
न हामीले अनुभुत गर्यौं 
न उनीहरुले अनुभुत गर्न सके ।
इतिहासका पिता हिरोड्सनले तिम्रो परिभाषा गरे 
एरिष्टोटलले तिमीलाई जन शासन भनी चलाए!
अब्राहमको परिभाषा जनताको खम्बा बन्यो ।
उदाएको तिमी वर्तमानमा सूर्यास्त नहुँदै 
दिनमै टुकी बाल्नु पर्यो ।
नवीन चेतनाको दियो बाल्छु भन्दै 
जनजनका घरघरमा सलबलाएको तिमी 
आज कुन सिकारीले डिङ्गो बनायो ?
हिजो 
२००७ को क्रान्तिले जहानियाँ निरङ्कुश ढाल्यो 
२०४६ को आन्दोलनले पन्चायती कालो रात फाल्यो 
२०६३ को बिद्रोहले स्वेच्छाचारी शासन अन्त्य गर्यो ।
स्वतन्त्रता र समानताको मुल मन्त्र बोकेको तिमी!
आज फूल्ने र फल्ने अवसर पाखा लगायौ ।
सर्वोपरि हितका लागि योग्य ठहरिएको तिमी 
आज जनका आँखाको कसिङ्गर बन्यौ !
हिजो तिमीलाई प्राप्त गर्न विद्रोह भयो 
रगतको भेल बग्यो 
धेरैको  इहलिला समाप्त भयो !
तिम्रो अभ्यासमा देखिएका त्रुटिहरु 
न शुद्धीकरण भयो न संशोधन भए 
न तिमी न तिम्रो सिद्धान्त सच्चियो 
न बिकास गर्यौ न बिकासका ढोका खुलिए!
आज 
कुन काँडेतारले छेक्यो ?
कि सिस्नोपानी चाहियो?
अबको पालो 
तिम्रो हारको, तिम्रो विनासको !
जहाँ जनताहरू आक्रोशित छन् 
जीवन किनारमा छ !
ढुंगालाई धौता मानी पुज्ने हामी 
तिमीलाई पनि पुजिरह्यौ !
तिम्रै जयजयकारको गित 
लगाइ तिमीसँग मित 
दायाँबायाँ तिम्रै अगाडि पछाडि 
आसैआसको त्यान्द्रोमा बाँचि रह्यौं 
आज 
शकुनीको पासा राजनीति बन्यो 
धनको भकारी गतिलैसँग भरियो !
भ्रष्टाचार त शासककै घरको खिचडी बन्यो 
देश ढुटो पारी ल्वाम्मै खायो !
लोकतान्त्रिक आचरणको अभ्यास हरायो 
संसद यहाँ व्यवस्थापिकाको थलो बन्यो 
आरोप प्रत्यारोप ढिकिच्याउको खेल जस्तै भयो !
नौंका म तार्छु भन्दै 
हानाथापको बाजी लगाउँदै आउँछन् 
साँढे झै निहुँ खोजी जुरा हल्लाउँदै जुद्छन्।
कोहि मिठा स्वप्न बाँड्छन् 
कोहि दिवा सपना देखाउँछन्।
सायद यस्तै हो लोकतन्त्र!
पिडा के हो ?
त्यो घर आँगन,टहरामा हेरेनौ 
तातो हावा अनि बालुवामा 
कर्म गर्नेको विवशता बुझेनौ !
राष्टभित्र राष्ट्रियता हराउँदा पनि 
कर्म ,धर्म र संस्कार बिलाउँदा पनि 
स्रम र पसिना डलरमा बिक्दा पनि 
लोकतन्त्र सुतेको छ!
लोकतन्त्रे निदाएको छ!

सम्बन्धित खबर

post

आज स्वस्थानी व्रत समापन

२२ माघ २०७९,०९:५४
post

'भिझाएर आँशु' सार्वजनिक (भिडियो)

२० फाल्गुन २०७९,१४:१३
post

आज होली, आपसमा रङ खेलेर मनाइँदै

२२ फाल्गुन २०७९,०७:१२
post

दुई डिआइजीको काज सरुवा

१८ चैत्र २०७९,०७:१२
post

१८ सहसचिवको सरुवा, काे कहाँ ?

१९ चैत्र २०७९,१७:४६
post

बिहे गर्दै मोडल रियाशा

११ बैशाख २०८०,१३:५९
post

‘साइकल सरर’ मा राहुल र बिना

१४ बैशाख २०८०,०९:५०
post

‘दौतरी’ मा गरिमा  शर्मा

१७ बैशाख २०८०,२१:१२
post

काठमाडौँ आइपुगे आमिर खान

२४ बैशाख २०८०,१२:५५
post

प्रतिनिधिसभाको बैठक आज पनि

२३ जेष्ठ २०८०,०६:४५
post

प्रतिनिधि सभाको बैठक आज पनि

२६ जेष्ठ २०८०,०९:०१
post