.png "Win Recruit Nepal"){kind=logo}
काठमाडाैं । लाेकप्रिय गीत 'सिमसिमे पानीमा'को नयाँ अडियो र भिडियो सार्वजनिक भएको छ । २०४९ सालमा गायिका रेखा शाहले आफ्नै रचना, सङ्गीत र स्वरमा रेडियो नेपालले आयोजना गरेको अधिराज्यव्यापी लोकगीत प्रतियोगितामा प्रथम स्थान हासिल गरेपछि यस गीतले छुट्टै चर्चा मात्रै पाएन, नेपाली जनजनको प्रिय गीत बन्न सफल भयो ।
सो गीत रेकर्ड भएको तीन दशकको अवसर पारेर गायिका शाहले नयाँ अडियो र भिडियो सार्वजनिक गरेकी हुन् । मुम्बईस्थित यशराज स्टुडियोमा रेकर्ड गरिएको नयाँ अडियोमा रिकेश गुरुङ 'कि'को सङ्गीत संयोजन र उत्पादन छ भने भारतीय वाधवादकहरूको वादन छ ।
भारतीय सिनेमाका चर्चित गीतहरूको रेकर्डिङ र ध्वनि मुद्रण गर्ने विजय दयालले सिमसिमे पानीलाई नयाँ स्वरूपमा उतारेका छन् ।
सिमसिमे पानीमाको लयलाई सहनाईले ध्वनिमा उतारेको गीतले स्रोतालाई नयाँ स्वाद दिनेमा गायिका शाह विश्वस्त छिन् । सो गीतका दुईवटा म्युजिक भिडियो पनि एकैसाथ सार्वजनिक गरिएको छ ।
गीतलाई कथानकसँग बुनेर बनाइएको भिडियोमा गायिका शाहले अभिनेता महेश त्रिपाठीसँग अभिनय गरेकी छिन् । रुपेश थापाको छायाङ्कन र निर्देशन रहेको सो गीतमा मिलन विश्वकर्माको सम्पादन छ । नेपाली कलाकारिता क्षेत्रको एउटा कथालाई सो भिडियोमा प्रस्तुत गरिएको छ । त्यस्तै, सोही गीतको स्टुडियो भर्सनको भिडियो पनि सार्वजनिक गरिएको छ ।
गीतमा प्रयोग भएका वाधवादकहरूलाई दृश्यमा उतारिएको छ, जहाँ गायिका शाहले आकर्षक डिजाइनको स्टुडियोमा लाइभ गीत गाइरहेकी छिन् । यस भिडियोको छायाङ्कन र निर्देशन पनि रुपेश थापाले गरेका हुन् । सम्पादन मिलन विश्वकर्माकै छ । रेखा शाह फाउन्डेसनको प्रस्तुतिमा रेखा शाह नामक आफ्नै युट्युब च्यानलबाट सार्वजनिक गरिएका भिडियोले दर्शक-स्रोतामा साङ्गीतिक ऊर्जा थप्ने विश्वास गायिका शाहको छ ।
.jpeg)
.jpg)
.jpeg)
