.png "Win Recruit Nepal"){kind=logo}
काठमाडौं । डेउडा भाकाको म्युजिक भिडियोमा निकै लोकप्रिय मोडल तथा नृत्यांगना झरना बोहराले इंगेजमेन्ट गरकी छन् । सुर्खेत घर भई हाल प्रवाशमा बस्दै आएका लोकेश बिष्ट र मोडल बोहराको यहीं माघ २१ गते नेपालगन्जमा इंगेजमेन्ट कार्यक्रम सम्पन्न गरिएको हो । एकबर्ष अगाडिदेखि चिनजानमा रहेका बोहरा र बिष्ट अब केही समयपछि विवाह बन्धनमा बाँधिने बताइएको छ ।
पहाडी जिल्ला अछाममा जन्मिएकी मोडल तथा नृत्यांगना बोहरा सुदूरपश्चिमको देउडा गीत अभिनयमा चर्चित छन् । सानैदेखि देउडा गुनगुनाउने उनी पछि अभिनयमा लागिन् । देउडासँगै आधुनिक गीतमा समेत बोहराले अभिनय गर्दै आएकी छन् ।
नृत्य एकदमै राम्रो भएका कारण बोहरालाई कर्णालीको जुम्लादेखि भारतको बैंग्लोरसम्म निम्तो आइरहन्छ । सुदूरपश्चिमकी चल्तीकी कलाकार बोहराको माग यहाँका नौ वटै जिल्लामा हुने मेला महोत्सवमा अझ बढी छ ।
सुदूरपश्चिमका देउडा तथा आधुनिक गीत गरेर बोहराले तीन सयभन्दा बढीमा अभिनय गरिसकेकी छन् । सुदूरपश्चिमेलीहरूले देउडा कार्यक्रममा भारतमा समेत बोलाउने गरेका छन् ।
हाल स्नातक तहमा अध्ययनरत बोहराले अभिनय क्षेत्रमा लाग्ने प्रेरणा काका शेरबहादुर बोहराबाट पाएकी हुन् । पारिवारिक अवस्था सामान्य भएकी बोहराले अहिले अभिनय र स्टेज कार्यक्रमबाट पाएको पारिश्रमिकबाट नै खर्च टरेको बताइन् ।
आफ्नो रहनसहन, कला, संस्कृति, रीतिरिवाज र वेषभूषासहितको देउडा गीतमा अभियन गर्न सहज भएको बोहराले सुनाइन् ।
‘रोजगारीका लागि भारत पस्नेहरू देउडासहितको म्युजिक भिडियो बनाउन निकै तल्लीन भएका पाए,’ उनले भनिन्, ‘म स्टाफ नर्स बन्न चाहन्थे, तर अभिनयमै रमाएँ ।’ सामाजिक सञ्जाल टिकटकमार्फत पनि उनले डोटेली भाषामा साहित्यिक प्रस्तुतिसमेत राख्दै आएकी छन् ।
म स्टाफ नर्स बन्न चाहन्थे, तर अभिनयमै रमाएँ : झरना बोहरा
.jpeg)
1706890614806.jpg)
.jpg)
.jpeg)
