काठमाडौँ । नेपाली कथानाक चलचित्र ‘बल्कि’ को नाम सार्वजनिक गरिएको छ । दिनेश बिकले लेखेको बथामा आधारित उक्त चलचित्रको नामा माघ १८ गते सार्वजनिक गरिएको हो । चलचित्रलाई राहुल बराइलीले निर्देशन गर्ने भएका छन् । राहुल बराइली म्युजिक भिडियोमा चर्चित भिडियो र चलचित्रको गीतहरुमा नृत्य निर्देशकको रुपमा स्थापित भइसकेका व्यक्ति हुन् ।
बराइली पहिलोपटक यसै चलचित्र मार्फत निर्देशकको भूमिकामा डेब्यु गरदैछन् । चलचित्रका मुख्य सहायक निर्देशक नवराज शर्मा हुन भने साथमा सहायक निर्देशन करण साउद र विश्व माजीले गर्ने भएका छन् ।
यस चलचित्रमा छायाकार बासु न्यौपानेले गर्ने भएका छन् । राजु किराती द्वन्द निर्देशन रहने छ । सो चलचित्र द पाम ग्रुप प्रालिको ब्यानरमा निर्माण गरिने छ । यस चलचित्रलाई निर्माता सुदन खत्रीले गर्ने भएका छन्, भने कार्यकारी निर्माता शेखर लामा रहेका छन् ।
चलचित्रका सम्पूर्ण कलाकारहरूको छनोट गरी फागुन महिनाको अन्तिमबाट छायांकानमा जाने तयारी गरिएको छ । चलचित्र बल्कि मा हास्य, रोदन, भावनात्मक सामाजिक जातीय विभेद र छुवाछुतबाट सबैजना अलगिएर हामी सबै एक सम्मानित नागरिक हौँ भन्ने कथामा समावेश गरिएको छ ।