.png "Win Recruit Nepal"){kind=logo}
काठमाडौं । अभिनेता पल शाहले अभिनयमा फर्किने तयारी गरेका छन्। नाबालिग बलात्कार अभियोगमा जेल परेका पल अघिल्लो सातामात्रै अदालतबाट सफाइ पाएर घर फर्किएका छन् । त्यसपछि परिवारसँग समय बिताइरहेका पल अब भने काममा फर्किने तयारीमा लागेका हुन् ।
यतिबेला उनलाई भेट्न नाम चलेका कलाकार कामको अफर लिएर घरमै धाइरहेका छन् । धेरैले उनीसँग भेट गरेका तस्बिर सामाजिक सञ्जालमा हाल्दै सहकार्यको तयारी भनेर लेखिरेहका छन् ।
पलले भने नायिका तथा मोडल मलिका महतसँग सहकार्यको तयारी गरेका छन् । मलिकासँग एक गीतको म्युजिक भिडिओ खेल्ने तयारीमा रहेका पल उक्त गीत आफ्नै युट्युब च्यानलबाट सार्वजनिक गर्ने योजनामा छन् ।
ठूलो फिल्मको अफर लिएर पलसम्म जाने निर्माताको सूची पनि लामै रहेको बुझिएको छ । अहिले उनी फिल्ममा फर्किन विभिन्न निर्माण टिमसँग छलफल गरिरहेका छन् । पल र मलिकाले यसअघि पनि थुप्रै म्युजिक भिडिओमा सहकार्य गरेका छन् ।
.jpeg)
प्रतिक्रिया गर्न लग इन गर्नु होस्:
Log in with Google