.png "Win Recruit Nepal"){kind=logo}
सन्तोष दहाल, ललितपुर । नेपाली लोक सांगितिक क्षेत्रमा करिब डेढ दशकदेखि सक्रिय सर्जक तथा गायक कृष्ण दहाल कुशल शब्द संकलक तथा गायकको रुपमा चिनिन्छन । विगतमा ललितपुर भुगोलका गीतहरु सहित च्यान्टी मोरी, सर्लक्कैकै साइँली,हाडे ओखर,अन्तरी लगायत दर्जनौँ मनोरञ्जनात्मक सांगितिक कोसेलीहरु बजारमा ल्याईसकेका दहालले यसपटक पनि आफ्नै लय तथा शब्द सिर्जनामा नयाँ दोहोरी गीत हे निठुरी डिजिटल बजारमा सार्वजनिक गरेका छन् ।
नयाँ गीत हे निठुरीमा कृष्ण दाहाल र दीपा सापकोटाको आवाज रहेको छ । गायक दाहालकै शब्द संगीत रहेको गीतलाई नारायण दँगालले एरेन्ज गरेका हुन् । गीतको म्युजिक भिडियोमा हिराकाजी सेन्चुरी र सञ्चिता शाहीले अभिनय गरेका छन् । भिडियोलाई निर्देशन भने मिलन श्रेष्ठले गरेका हुन् जसमा विशाल गोङ्बाको छायाङ्कन रहेको छ । उक्त नयाँ गीतलाई मिलन फ्लिम्स प्रोडक्सन प्रालिमार्फत बजारमा ल्याईएको हो ।
माया प्रेममा छुट्टिएका जोडीको पीडाका विषयवस्तुलाई गीतको शब्द र दृश्यमार्फत देखाईएको छ । उक्त गीत कृष्ण दाहालको आफ्नै युट्युब च्यानलमार्फत डिजिटल बजारमा सार्वजनिक गरिएको हो ।
भिडियाे लिंक : https://m.youtube.com/watch?v=aCqcsY3esjg
.jpeg)
.jpg)
.jpeg)
