काठमाडौं । वैशाख १ गतेबाट प्रदर्शन हुने फिल्म ‘नाइँ नभन्नु ल ६’ को ट्रेलर सार्वजनिक भएको छ ।
विकास आचार्य निर्देशित फिल्मको ट्रेलरमा आर्शिवाद क्षेत्री र आँचल शर्मालाई मुख्य भूमिकामा देख्न सकिन्छ । आर्शिवाद र आँचलको प्रेमसम्बन्धदेखि समझदारीको कथा ट्रेलरमा समेटिएको छ ।
फिल्ममा आर्शिवाद र आँचलका साथै सरोज खनाल, प्रियंका कार्की, केकी अधिकारी, अनुभव रेग्मीलगायतको अभिनय छ ।
आख्यान फिल्म्सको ब्यानरमा बन्ने फिल्मको निर्माता सिविन दाहाल र सञ्जय न्यौपाने हुन् । विकाससँगै सामीप्यराज तिमिल्सिना र अरुणदेव जोशीले फिल्मको पटकथा लेखेका हुन् ।