.png "Win Recruit Nepal"){kind=logo}
काठमाडौं । गायक उमेश मुस्कान र गायिका अनु चौधरीको स्वरमा रहेको नयाँ गीत ‘साइकल सरर’ को भिडियो सार्वजनिक गरिएको छ । बुधबार राजधानीमा एक समारोहबीच नेपाल चलचित्र कलाकार संघका अध्यक्ष मोहन निरौला, चलचित्र विकास बोर्डका सदस्यद्वय राजु केसी, रवि अधिकारी, अभिनेता गजित विष्ट, गीतको भिडियोका अभिनेता राहुल केसी, अभिनेत्री विना राउतले संयुक्त रुपमा गीतको एल्बम विमोचन गरे ।
सौराहालगायत देशका विभिन्न सुन्दर स्थानमा छायांकन गरिएको गीतको भिडियोमा अभिनेता राहुल र अभिनेत्री विनाको जोडी निकै सुहाएको निर्देशक प्रमोद के भण्डारीले जिकिर गरे । उनका अनुसार उनीहरु प्रेमिल जोडीको रुपमा भिडियोमा उत्रिएका छन् र दुईको रोमान्स निकै आकर्षक छ ।
भिडियोको निर्मातामा रक्षा बानियाँ केसी, आकाश केसी र कार्यकारी निर्माता राजु केसी रहेका छन् । भिडियोलाई बुधबार नै केसिएम डिजिटल युट्युब च्यानलबाट सार्वजनिक गरिएको कार्यकारी निर्देशक राजु केसीले जानकारी दिए । गीतको भिडियोमा देव दोर्जे लामाको छायांकन, नवीन निरौलाको सम्पादन, मोहन सुनुवारको निर्माण नियन्त्रण रहेको छ ।
.jpeg)
.jpg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google