.png "Win Recruit Nepal"){kind=logo}
मुम्बई । दक्षिण भारतीय स्टारहरू रश्मिका मन्दाना र विजय देवरकोन्डाबीच इन्गेजमेन्ट भएको छ । शुक्रबार सामाजिक सञ्जालमा यो जोडीको इन्गेजमेन्टको हल्ला फैलिएपछि विजय निकट स्रोतले हिन्दुस्तान टाइम्सलाई उनको इन्गेजमेन्टको खबर पुष्टि गरेको छ ।
इन्गेजमेन्टबारे विस्तृत जानकारी बाहिर ल्याइएको छैन । यद्यपि, सन् २०२६ को मे महिनामा विवाह हुने निश्चितजस्तै छ । इन्गेजमेन्टबारे रश्मिका र विजय दुवैजनाले औपचारिक जानकारी भने दिएका छैनन् । रश्मिका र विजयले पहिलो पटक सन् २०१८ को हिट फिल्म ‘गीता गोविन्दम’ र सन् २०१९ को फिल्म ‘डियर कमरेड’मा सँगै काम गरेदेखि नै एकअर्कालाई डेट गरिरहेको हल्ला चलिरहेको छ ।
विजय र रश्मिकालाई प्रायः सँगै समय बिताएको देखिएको छ । अगस्टमा, उनीहरूले न्यूयोर्कमा ४३ औं इन्डिया डे परेडको नेतृत्व गरे । भारत बियोन्ड बोर्डर्स शीर्षकको कार्यक्रममा पनि भाग लिएका थिए ।
रश्मिका पछिल्लो पटक ‘कुबेरा’ फिल्ममा देखिएकी थिइन्, जसमा धनुष र नागार्जुन पनि मुख्य भूमिकामा थिए । उनी अर्को पटक म्याडकको हरर–कमेडी ब्रह्माण्ड फिल्म ‘थम्मा’मा देखिनेछिन् ।
.jpeg)
.jpg)
.jpeg)
.jpg)
1706890614806.jpg)
प्रतिक्रिया गर्न लग इन गर्नु होस्:
Log in with Google