.png "Win Recruit Nepal"){kind=logo}
काठमाडौं । नायिका अरुणिमा लम्सालको कम ब्याकका रुपमा चर्चा बटुलेको वेबसिरिज ‘घर बट इन अमेरिका’को लुक पोस्टर सार्वजनिक गरिएको छ ।
सिरिजकका निर्देशक बिमलेश अधिकारीले सामाजिक सञ्जालमार्फत पोस्टर सार्वजनिक गरेका हुन् । उनले पोस्टर सार्वजनिक गर्दै लेखेका छन्, ‘यो विदेशबाट नेपाली कथा वाचनमा एउटा महत्त्वपूर्ण कोशेढुंगा हुनेछ ।'
आगामी वेब सिरिजले विश्वभरका मनहरूलाई जोड्नेयस सिरिजबाट कुनै समयको चर्चित अभिनेत्री अरुणिमा १० वर्षपछि अभिनयमा फर्किने भएकी छन् । यसमा अरुणिमासहित बिमलेश अधिकारी, राधाबाबु लम्साल, खेम शर्मा, आशिष दाहाल, समारोह मैनाली, र रोजिना थापा लगायतका कलाकारहरूको प्रमुख भूमिका रहने छ ।
यस सिरिजको सम्पूर्ण छायांकन अमेरिकामा नै हुने बताइएको छ । अहिले पनि यसको छायांकन जारी रहेको निर्माण पक्षले बताएको छ । सिचुएसनल कमेडी-ड्रामा विधामा निर्माण भइरहेको यो सिरिजको लेखक विवेक चम्लागाईं हुन्।
सिरिज गोप्य लिभ-इन रिलेसनसिपमा रहेकी छोरी र नेपालबाट पहिलो अमेरिकी भ्रमणमा पुगेका आमाबुवाको कथामा आधारित रहेको बताइएको छ ।
सिरिजको निर्माण सेभेन कलर्स डिजिटलले गरेको हो। सिरिजमा रोशन घिमिरे लाइन प्रोड्युसर, विवेक रसाइली सहायक निर्देशक जिम्मेवारीमा छन् ।
अबको केही दिनमा टिजर सार्वजनिक गर्ने तयारीमा निर्माण पक्ष रहेको बुझिएको छ ।
.jpeg)
.jpg)
.jpeg)
