.png "Win Recruit Nepal"){kind=logo}
काठमाडौं । ११औं 'नेफ्टा फिल्म अवार्ड' साउन ६ गते हुने भएको छ । १३ मा अमेरिकामा हुने भनिएको अवार्ड साउन ६ लाई सारिएको चलचित्र प्राविधिक संघले जनाएको छ । आवश्यक तयारी नपुगेकाले अवार्ड समारोह पोस्टपोन्ड गरी नेफ्टा अध्यक्ष पुष्कर लामाले बताए । वैशाख ३१ मा अवार्डको सर्वश्रेष्ठ पाँचको मनोनयन घोषणा गर्ने तयारी रहेको पनि उनले जनाए ।
यो अवार्डमा २०७९ भित्र प्रदर्शन भएका फिल्मले ४२ विधामा प्रतिस्पर्धा गर्नेछन् । जुरीले फिल्म हेरेर मूल्यांकन गरिसकेका छन् । यसअघिको संस्करण युएई, मलेसिया, हङकङ र कतारमा गरिसकेको आयोजक टोली यो वर्ष नेपाली फिल्मको अन्तर्राष्ट्रियकरण गर्ने उद्देश्यसहित अमेरिकामा यो अवार्ड गर्न लागेको हो ।
अमेरिकाको नेपाली समुदायलाई समेटेर झन्डै २ किलोमिटर लामो नेपाल परेड कार्यक्रममार्फत सांस्कृतिक झाँकी प्रस्तुत गर्ने तयारी पनि छ । नेफ्टा पर्दा पछाडि काम गर्ने प्राविधिकहरुको संगठन हो ।
.jpeg)
.jpg)
.jpeg)
