काठमाडौं । गायक एवम् निर्माता प्रकाश सपूतले बिहीबार सार्वजनिक गरेको ‘सकम्बरी’ युट्युबमा टप ट्रेन्डिङमा पुगेकाे छ । उनले बिहीबार सार्वजनिक गरेको नयाँ गीत ‘सकम्बरी’ (फूलमाया) ले उनका पुराना गीत जस्तै चर्चा बटुलेको हो ।
यो गीत सार्वजनिक भएको २१ घण्टाभित्र युटयुबमा टप ट्रेन्डिङ भएको हो । बिहीबार सार्वजनिक गीतले समाचार तयार गर्दासम्म ६ लाख ४९ हजार भ्युज पाएको छ। यो गीत हेरेर-सुनेर करिब ५ हजारले प्रतिक्रिया पनि दिएका छन् ।
नयाँ वर्ष २०८० को पूर्वसन्ध्या सार्वजनिक गीतका शब्द सपूतले नै लेखेका हुन्। त्यस्तै सङ्गीत र स्वर पनि उनकै छ । गीतको सङ्गीत संयोजन सुदीप सागरले गरेका छन्। गीतमा सपूतलाई लोक गायिका ब्रता गन्धर्वले स्वरतर्फ साथ दिएकी छन् । यसमा चर्चित अभिनेता सुनिल थापा र मोडल कुशुम शर्मासहितले अभिनय गरेका छन् ।