.png "Win Recruit Nepal"){kind=logo}
काठमाडौं । दीपेन्द्र लामाको निर्देशनमा बन्न लागेको चलचित्र ‘नांगो गाउँ’ मा अभिनेत्री साम्राज्ञी राज्यलक्ष्मी शाह र अभिनेता कर्मा अनुबन्धित भएका छन् । निर्माण टिमले साम्राज्ञी र कर्मासँग सोमबार कागजी सम्झौता गरेका हुन् । उनीहरूले चलचित्रमा आफूहरूको भूमिका मन परेर जोडिएको बताएका छन् । निर्देशक लामाले भने, ‘मलाई साम्राज्ञी र कर्मासँग पहिलेदेखि नै काम गर्ने रहर थियो । यसपटक भूमिका पनि दुवैलाई सुहाउने भएपछि सहकार्य गर्ने अवसर जुरेको छ ।’
साम्राज्ञी र कर्माले पहिलो पटक एकसाथ काम गर्न लागेका हुन् । यसअघि चलचित्रमा अभिनेता दयाहाङ राई र अभिनेत्री मिरुना मगर अनुबन्धित भइसकेका छन् । साम्राज्ञी र कर्मा अनुबन्धित भएसँगै कलाकारको लाइनअप पूरा भएको छ । आलोक शुक्लाको छायांकन रहने चलचित्रमा शिशिर बाङ्देल, रविन्द्र झा, बुद्धि तामाङ, पुष्कर गुरुङलगायत कलाकारको अभिनय रहने छ । मनिष्मा फिल्म्स प्रालिको ब्यानरमा निर्माण हुन लागेको चलचित्रको छायांकन फागुनको अन्तिम साताबाट सुरु हुनेछ । हिमाल शर्माको लगानी रहेको चलचित्र काभ्रेमा खिचिने छ ।
.jpeg)
.jpg)
.jpeg)
