४० बर्ष अगाडीकाे गीत पुनः रेकर्ड, धर्मेन्द्र सेवान र रेखा शाहले दिए स्वर (भिडियाे)

दर्पण दैनिक

८ असार २०८०,१४:४८

काठमाडौं । गीत संकलन, संगीत र गायनमा ख्याति प्राप्त तथा राजामहाराजाहरूबाट समेत प्रशंसित स्व सरोजगोपाल वज्रचार्य, गायक तथा संकलक बुद्धि परियार र गायिका बाबा राणाले चार दशकअघि रेकर्ड गरेको गीत ‘सइँको घर काँ हो काँ’ पुनः रेकर्ड भएको छ । पुनः रेकर्ड गराइएको गीतको भिडियो र अडियो सार्वजनिक भएको हो । बुद्धि परियारका सुपुत्र धर्मेन्द्र सेवानसँग रेखा शाहलाई युगल गाउने सर्तमा पुनः रेकर्डिङको अनुमति दिइएको केही समयपछि सरोजगोपालको असामयिक निधन भएको थियो ।

नयाँ रेकर्ड गरिएको गीतमा गोपाल रसाइलीको संगीत संयोजन र भानुभक्त ढकालको रेकर्डिङ । स्टुडियो भर्सनमा सार्वजनिक भएको भिडियोमा रेखा शाह र धर्मेन्द्र सेवानले गायक, गायिकाको रूपमा अभिनय गरेका छन् । भिडियोलाई रूपेश थापले निर्देशन गरेका हुन् भने रेखा शाहले आफ्नै युट्युब च्यानलबाट सार्वजनिक गरेकी हुन् ।