.png "Win Recruit Nepal"){kind=logo}
काठमाडौँ । कर्णाली क्षेत्रको सामाजिक, राजनीतिक र भौतिक अवस्थालाई पर्दामा उतार्ने उद्देश्यसहित ‘रेलको बाटो’ नामक फिल्म बन्ने भएको छ । कस्तुरी प्रोडक्सन प्रालि र रेड अम्ब्रेला इन्टरटेन्मेन्ट प्रालिको सहकार्यमा बन्ने फिल्म लक्ष्मण सुनारले निर्देशन गर्ने छन् । निर्माण युनिटले फिल्मको एक थिम पोष्टर सार्वजनिक गर्दै औपचारिक निर्माण घोषणा गरेको हो । पोस्टरमा ‘गाउँपालिका भवन उद्घाटन’ लेखिएको गेट र मुनि ‘प्रधानमन्त्रीको ज्युलाई स्वागत छ’ भन्ने ठूलो ब्यानर देखिन्छ । उक्त दृश्यले कर्णाली राज्यको लागि ‘दर्शनीय प्रयोगशाला’ मात्र बनेको हो कि भन्ने आलोचनात्मक सन्देशको सङ्केत गर्छ ।’
फिल्मका कार्यकारी निर्माता नगेन्द्र घिमिरे रहेका छन् भने वितरण अधिकार काफिया फिल्म्सले लिएको छ । फिल्ममा संगीत सुरज पण्डितले तयार पार्नेछन्, छायाङ्कन निसाल पौडेलले गर्नेछन् । पोस्टरमा देखिएको ‘लैजा तेरो सिंहदरबार, मलाई मेरो गाउँ फिर्ता दे’ भन्ने वाक्यले राज्यको उपेक्षामाथि गहिरो भावनात्मक र राजनीतिक सङ्केत गर्छ । निर्देशक सुनारका अनुसार, फिल्मले सामान्य नागरिकको संघर्ष, श्रीमान–श्रीमतीबीचको सम्बन्ध, र राजनीतिक बेवास्तालाई कथानकको मूल विषय बनाउनेछ । कर्णालीका सडक अभाव, उपचारको कठिनाइ, विकास योजनामा देखिने हस्तक्षेप र शक्ति केन्द्रको नजरन्दाजजस्ता विषयहरू फिल्मको मुख्य कथा भएको सुनारले बताए ।
फिल्म यो वर्षको अन्त्यतिर कर्णालीका विभिन्न जिल्लामा छायाङ्कन गरिनेछ र २०८३ सालमा प्रदर्शनमा ल्याइने योजना रहेको छ। हाल पटकथा अन्तिम चरणमा रहेको र कलाकारको टुङ्गो चाँडै लाग्ने निर्माण पक्षले जानकारी दिएको छ।
.jpeg)
.jpg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google