.png "Win Recruit Nepal"){kind=logo}
काठमाडौं । शोभित बस्नेत प्रस्तुतकर्ता रहने नयाँ नेपाली फिल्म ‘जय हो’ मा अभिनेत्री निशा अधिकारी अनुबन्धित भएकी छन् ।
शुक्रबार बस्नेत र अधिकारीबीच सम्झौता पत्रमा हस्ताक्षर भएको छ ।
निशा अभिनित पछिल्लो सिनेमा ‘म’ गत साउनमा प्रदर्शनमा आएको थियो ।
अधिकारीले हालै मात्र नयाँ फिल्म ‘आँखा’ को छायांकन पूरा गरेकी छन् ।
टेक पौरखी राईको निर्देशनमा बन्ने ‘जय हो’ मा यसअघि नै केकी अधिकारी, सलोन बस्नेत, अर्पण थापा र माओत्से गुरुङलगायतका कलाकार फाइनल भइसकेका छन् ।
फागुन २५ देखि फ्लोरमा जाने फिल्मको अधिकांश छायांकन मुस्ताङमा गरिने छ भने केही छायांकन पोखरामा गरिने छ ।
सुरेश न्यौपानेको कथा रहने फिल्ममा सौरभ लामाको छायांकन र शम्भुजित बाँस्कोटाको संगीत रहने छ ।
कमेडी, एक्सन र लभस्टोरीको समिश्रण रहने यो फिल्मलाई आगामी तीजमा रिलिज गर्ने योजना निर्माण टिमको छ ।
सलोन सलिना फिल्म्सको व्यानरमा निर्माण हुने यो फिल्मको निर्मातामा राज के अधिकारी र सुरज सरकार छन् । अधिकारी र सरकार जय हो विजनेश ग्रुप र सनराइज ग्रुप अष्ट्रेलिया रकडेलका सञ्चालक हुन् ।
.jpeg)
.jpg)
.jpeg)
