.png "Win Recruit Nepal"){kind=logo}
काठमाडौं । हास्य सिरियल 'सक्किगोनि' बाट चर्चामा आएकी कलाकार सुरक्षा इटानीले फिल्ममा डेब्यु गर्ने भएकी छन् । सिरियलमा अभिनय गरेपछि दर्शकमाझ 'सुरू' उपनामले चिनिएकी सुरक्षाले 'द ब्लु लाइट' मार्फत ठूलो पर्दामा डेब्यु गर्न लागेकी हुन् ।
'द ब्लु लाइट' लाई बलिराम चौहानले निर्देशन गर्दैछन् । उनी अहिलेको प्रतीक्षित फिल्म 'बलिदान' का लेखक तथा मुख्य सहायक निर्देशक हुन् ।
मंगलबार मात्रै शुभमुहूर्त गरिएको यो फिल्मको प्रमुख भूमिकामा अर्पण थापा, महेश त्रिपाठी, आयुष्मान देशराज जोशी, बेनिशा हमाल, सृष्टि श्रेष्ठ, सुरक्षा इटानी, ग्रिष्मा कटुवाल, सहारा शर्मालगायत कलाकारहरूको अभिनय रहनेछ ।
साइकोलोजिकल थ्रिलर जनरामा निर्माण हुने फिल्मलाई स्काइफल पिक्चर्सको प्रस्तुत गर्न लागेको हो । फिल्मको सह-निर्मातामा रमन ग्रे छन् । बिहीबारदेखि छायांकनमा जाने तयारीमा रहेको फिल्म नरेन्द्र मैनालीले खिच्नेछन् ।
सुरक्षा 'सक्किगोनि' मा हरिश निरौला (कक्रोज)को जोडीका रूपमा देखिँदै आएकी थिइन् । अहिले भने यो सिरियल प्रसारणमा छैन । सिरियल रोकिए पनि सुरक्षा म्युजिक भिडिओ मोडलिङमा व्यस्त छिन् । उनले ४० भन्दा बढी म्युजिक भिडिओमा मोडलिङ गरिसकेकी छन् ।
.jpeg)
.jpg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google