.png "Win Recruit Nepal"){kind=logo}
काठमाडौँ । युट्युबमा चर्चित सिरियल ‘भुन्टी’ टेलिभिजनबाट पनि प्रसारण सुरु भएको छ । सिरियल कान्तिपुर टिभी एचडीमा मंगलबारबाट प्रसारण सुरु भएको हो ।
सिरियलको नयाँ एपिसोड कान्तिपुर टेलिभिजनमा मंगलबार राती ९ बजे प्रसारणमा आएको थियो । विकट गाउँका दर्शकलाई लक्षित गरेर सिरियल टिभीमा ल्याइएको निर्माता, निर्देशक एवं कलाकार आशा गौतमले बताइन् ।
सिरियलको अबको नयाँ भागहरू पहिले कान्तिपुर टेलिभिजनमा र त्यसपछि ‘सुकुमाया टिभी’ युट्युबमा आउने आशाले जानकारी दिइन् ।
पारिवारिक कथामा निर्माण हुँदै आएको ‘भुन्टी’मा आशाको अलावा शारदा गिरी, सुशील पोखरेल, सागर गौतम, विजय देउजा, हिउँवाला गौतम, सुवास गजुरेल, विनोद श्रेष्ठ, इन्द्रजित चौलागाईँलगायत कलाकारको अभिनय रहँदै आएको छ । आशा फिल्मस्को प्रस्तुति रहेको सिरियलको अहिलेसम्म २२३ भाग निर्माण भैसकेको छ ।
.jpeg)
.jpg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google