.png "Win Recruit Nepal"){kind=logo}
काठमाडौँ । चलचित्र ‘कङ्गारु’को मुख्य अभिनेत्रीमा स्वस्तिमा खड्का अनुबन्धित भएकी छन् । निर्माण पक्षले सोमबार स्वस्तिमासँग सम्झौता गरेको हो । सम्राट बस्नेतको निर्देशनमा बन्न लागेको यो चलचित्रमा यसअघि केदार घिमिरे ‘माग्ने बुढा’, जितु नेपाल र अर्पण थापा अनुबन्धित भइसकेका छन् । राजिव गुरुङ ‘दीपक मनाङ्गे’को प्रस्तुतिमा तयार हुने फिल्मको मुख्य भूमिकामा स्वस्तिमाको प्रवेशसँगै कलाकारहरुको लानअप बलियो बनेको छ ।
कागजी सम्झौता गरेसँगै स्वस्तिमाले यो फिल्ममा काम गर्न आफू निकै उत्साहित भएको बताएकी छन् । यसअघि फिल्म ‘लाखे’ निर्देशन गरेका बस्नेतले यो फिल्मलाई सस्पेन्स, थ्रीलर र कमेडी जनरामा निर्माण गर्न लागिएको बताए । नायिका फाइनल गरेसँगै अब केही महिनामै छायांकनमा जाने तयारी रहेको निर्देशक बस्नेतले जानकारी दिए ।
३५ दिनको छायांकन सेड्युल तय गरिएको फिल्मको छायांकन अष्ट्रेलीयाको सिड्नी, न्यूकासल, क्यानबेरा लगाएतका क्षेत्रमा गरिने उनको भनाइ छ । सीमा गुरुङको कथा रहेको फिल्मलाई सुशन प्रजापतिले खिच्नेछन् ।
.jpeg)
.jpg)
.jpeg)
