मोडल झरनाकाे व्यस्तता : एक हप्तामा ६ वटा म्युजिक भिडियोमा अभिनय

दर्पण दैनिक

१९ भाद्र २०८३,२२:३९

काठमाडाैँ । यतिबेला निकै ब्यस्त छिन नायिका एबं मोडल झरना रिसाल…॥ उनलाई नेपाली महिलाहरूको पर्व तीजको अबसरमा आउन लागेका गीतको म्यूजिक भिडियोमा मोडलिङ गर्न भ्याई नभ्याई छ । झरनाले एक हप्तामा ६ वटा म्यूजिक भिडियोमा मोडलिङ गरेकी छन् ।

विगत लामाे समयदेखि अभिनय तथा माेडलिङमा सक्रिय माेडल रिसालले मोडलिङ गरेका माइती घरको आँगन, हाइ हाइ छमछमी नाचौ बरिलै, सिङ्गापुरे साडी लगायतका छन् । केही गीत सार्वजिनक हुन बाँकि रहेकाेले नाम खुलाइएकाे छैन् ।

रिसालले मोडलिङ गरेकाे माइती, छोरी र आमाबीचको आत्मिए भावनालाई प्रतिनिधित्व गर्ने निकै मर्मस्पर्शी शब्द, भाका र स्वरले सजिएको तीज गीतको भिडियो सार्वजनिक भएको छ ।

शुक्रबार बोधी एट डी यूटुब मार्फत बजारमा आएको माइती घरको आँगन बोलको गीतमा गायिका निर्मला घिमिरे (निरू)काे स्वर रहेकाे छ ।

चर्चित एबं बरिष्ठ नृत्य निर्देशक कमल राईको कोरियोग्राफ़ी रहेको माइती घरको आँगन गीतको कार्यकारी निर्मातामा गोपाल कटुवाल रहेका छन । गीतको भिडियोलाई बरिष्ट छायांकार शिब ढकालले खिचेका हुन भने यो भिडियो तयार पार्न रमेश एम के पौडेलको बिशेष साथ र सहयोग रहेको छ ।

झरनासंगै यो गीतको भिडियोमा देखिएकी अर्की मोडल हुन दिप्सा कार्की । दिप्साको मोडलिङको पनि चर्चा भएको छ ।

त्यस्तै अर्काे तीज गीत ‘सिङ्गापुरे साडी’ बजारमा आउने भएको छ । पियाआर इन्टरटेनमेन्ट (PR Entertainment) को प्रस्तुतिमा निर्माण भएको उक्त गीत छिट्टै सार्वजनिक गर्ने तयारी गरिएको हाे ।

गीतमा गायिका रेशु राई र गायक विशाल सिटौलाको स्वर रहेको छ । जि.आर. बानियाँको शब्द तथा संगीत रहेको यस गीतलाई सन्तोष प्रगाढ राईले एरेन्ज गरेका हुन् । स्टुडियो २१ मा रेकर्डिङ गरिएको यस गीतको रेकर्डिङ तथा मिक्सिङ/मास्टरिङ मनोज डङ्गोलले गरेका छन् ।

म्युजिक भिडियोतर्फ प्रदीप कुमार रसाइलीको निर्देशन तथा कोरियोग्राफी रहेको छ । भिडियोमा रिया सेन्सुरी, प्रदीप कुमार रसाइली र झरना रिसालको अभिनय देख्न सकिनेछ । प्रेम स्याङ्तान (नक्कले) को छायाङ्कन रहेको भिडियोको सम्पादन तथा रङ संयोजन अमृत चापागाईँले गरेका हुन् ।

तीजको नयाँ सांगीतिक कोसेली ‘हाइ हाइ छमछमी नाचौ बरीलै’ बजारमा आउने भएको छ । भूमिका शाहको प्रस्तुतिमा निर्माण भएको उक्त तीज गीत छिट्टै सार्वजनिक गर्ने तयारी गरिएको हो । गीतमा भूमिका शाहकै स्वर, शब्द तथा संगीत रहेको छ । मौलिक भाका र लयमा तयार पारिएको यस गीतको भिडियोलाई उत्तम श्रेष्ठ ‘शिसिर’ ले निर्देशन गरेका हुन् ।

भिडियोमा मोडल झरना रिसाल र प्रिया गुरुङ ‘टिका’ को आकर्षक अभिनय तथा नृत्य हेर्न पाइनेछ । भिडियोको नृत्य निर्देशन राहुल बराइलीले गरेका छन् भने सहायक नृत्य निर्देशकका रूपमा दीपक राजवंशी रहेका छन् । सन्तोष तिमल्सिना र टिमको छायाङ्कन रहेको यस भिडियोलाई विकास दाहालले सम्पादन तथा रङ संयोजन गरेका हुन् ।