.png "Win Recruit Nepal"){kind=logo}
काठमाडौ । गायिका एवं मोडल टिना शेर्पालीको 'धोखा' म्युजिक भिडियो सार्वजनिक भएको छ । सो म्युजिक भिडियो उनले आफ्नै टिना शेर्पाली (tina sherpali) नामक युट्युब च्यानलबाट आइतबार साँझ सार्वजनिक गरेकी हुन् । डा. गोपाल पौड्याल 'मन्डने' को शब्द रहेको सो गीतमा शक्ति बल्लभले संगीत भरेका छन् ।
त्यस्तै महादेव रेगर प्रोड्युसर रहेको सो म्युजिक भिडियो परमिंदर कालराले सम्पादन गरेका हुन् । शंकर रेगरले निर्देशन गरेको उक्त धोखा म्युजिक भिडियोमा टिना शेर्पाली, सौरभ पाठक, अर्पता दास र किरण राजपुतले अभिनय गरेका छ्न् । धोखा म्युजिक भिडियोमा कुनै एक पुरुषले महिलालाई मायाजालमा फसाएर छोडेको र पछि अर्कै केटीलाई लिएर हिडेको भाव झल्काइएको छ ।
गायिका साथै मोडेल शेर्पालीले धेरै जसो हिन्दी म्युजिक भिडियो गरेकी छन । त्यस्तै 'नसोचेकै कथा भो', 'बोली' लगायतका नेपाली गीत यस अघि बजारमा ल्याइसकेकी उनले म्युजिक भिडियो तथा टेलिफ्लिमहरुमा अभिनय तथा स्वर भरिसकेकी छन् ।
गीतमा भनिएकाे छ -
धोखा दिनै थियो भने माया किन लायौ ?
झुटो बोल्नै थियो भने कसम किन खायौ ?
माया ठानी बेमानीकै पछिपछि लागेँ,
बाउआमाको आँखा छली तिम्रै पछि भागेँ ।
देवी देउता भाकी भाकी कसम किन खायौ ?
धोखा दिनै थियो भने माया किन लायौ ?
मलाई धेरै माया गर्ने कसम पन खान्थ्यौ,
विदेशमा संगै लान्छु भन्ने कुरा गर्थ्यौ ।
म जस्तीलाई फसाएर तिमीले के पो पायौ ?
धोखा दिनै थियो भने माया किन लायौ ?
.jpeg)
.jpg)
.jpeg)
