.png "Win Recruit Nepal"){kind=logo}
काठमाडौं । बलिउड सिनेमा ‘एनिमल’को आक्रामक बुकिङ कायमै छ । भारतीय सञ्चारमाध्यम तथा बलिउड सिनेमाका ट्रेड एनलाइसिस्टहरूले ‘एनिमल’को आक्रामक बुकिङ भइरहेको जनाएका छन् । भारतका नेसनल चेन हलहरूमा ‘एनिमल’को टिकट लोभलाग्दो रूपमा बिक्री भइरहेको तथ्यांक ट्रेड एनलाइसिस्ट तरण आदर्शलगायतले हरेक दिन ‘अपडेट’ दिइरहेका छन् ।
‘एनिमल’को एड्भान्स टिकट बिक्री खुलेको २४ घण्टामा ३.४ करोड भारु आम्दानी गरेको भारतीय सञ्चारमाध्यहरूले जनाएका छन् । रिलिजको चार दिनअघिसम्म एड्भान्स टिकट बुकिङबाट ६.४२ करोड भारू कमाएको इन्डियन एक्सप्रेसले जनाएको छ । दुई लाख ९ हजार ९८६ टिकट बिक्री हुँदा करिब साढे ६ करोड भारु कमाएको हो ।
चलचित्रले एड्भान्स बुकिङ हेर्दा यो सिनेमाले आक्रामक ओपनिङ गर्ने देखिएको छ । सन्दीप रेड्डीको निर्देशन तथा रणवीर कपुर, रश्मिका मन्दाना, बबी देओल र अनिल कपुर स्टारर ‘एनिमल’ले विदेशमा पनि आक्रामक व्यापार गर्ने भारतीय सञ्चारमाध्यमहरूले जनाएका छन् ।
इन्डियन एक्सप्रेसले ‘एनिमल’ले ५० करोडभन्दा माथि ओपनिङ गर्ने जनाएको छ । डिसेम्बर १ मा ‘एनिमल’ विश्वभर एकसाथ प्रदर्शनमा आउँदै छ । ‘एनिमल’ले अमेरिकामा अहिलेसम्मकै उच्च शोज पाएको बताइएको छ ।
.jpeg)
.jpg)
.jpeg)
