.png "Win Recruit Nepal"){kind=logo}
काठमाडौं । गायक तथा संगीतकार सुरज पण्डितले ‘रेलको बाटो’ गीतको तेस्रो भाग ‘सिंहदरबार २’ सार्वजनिक गरेका छन् । उनले आफ्नै नामको युट्युब च्यानलमार्फत गीत सार्वजनिक गरेका हुन् ।
सुरजकै शब्द, संगीत र स्वर रहेको गीतमा कमल सौरागले संगीत संयोजन गरेका छन् । लक्ष्मण सुनार निर्देशित गीतको भिडियोमार्फत देशको वर्तमान राजनैतिक परिस्थिति र आर्थिक अभावका कारण दुरदराजमा भएका गरिबी जनताको अवस्थालाई उजागर गरिएको छ ।
भिडियोमा सुरजसहित अस्मिता सुनार (जुरेली) र हेमन्त कान्छा रसाइलीको अभिनय देख्न सकिन्छ ।
उनीहरूले बिरामी हुँदा उपचार गर्न नसकेर आफ्नै मृगौला बेच्नसमेत बाध्य हुने गरिबीको मर्मलाई अभिनयमार्फत देखाउन खोजेका छन् । सुरजको ‘रेलको बाटो’ र ‘रेलको बाटो २ सिंहदरबार’ निकै चर्चित छ ।
.jpeg)
.jpg)
.jpeg)
