.png "Win Recruit Nepal"){kind=logo}
काठमाडौँ । सरकारी ई–बोलपत्र (ई–बिडिङ) प्रणालीमा अनधिकृत पहुँच पुर्याएर ठेक्का हेरफेर तथा आर्थिक अनियमितता गरेको आरोपमा २२ जनाविरुद्ध काठमाडौँ जिल्ला अदालतमा मुद्दा दायर गरिएको छ । नेपाल प्रहरीको केन्द्रीय अनुसन्धान ब्युरो (सिआइबी) को अनुसन्धान प्रतिवेदनका आधारमा सरकारी वकिल कार्यालयले उनीहरूविरुद्ध विद्युतीय प्रणालीको दुरुपयोग, संगठित अपराध तथा अभौतिक मुद्रा (क्रिप्टो) सम्बन्धी कसुरसमेत लगाउँदै मुद्दा दायर गरेको हो । प्रकरणमा केही प्रतिवादी पक्राउ परेका छन् भने अधिकांशलाई फरार सूचीमा राखिएको छ ।
अनुसन्धान अनुसार सहरी तथा भवन निर्माण आयोजना धनकुटामा कार्यरत कम्प्युटर अपरेटर ३३ वर्षीय दिवाकर देउजा यस घटनाका मुख्य योजनाकार रहेको देखिएको छ । उनलाई २८ फागुनमा पक्राउ गरिएको थियो । प्रारम्भिक अनुसन्धानबाट उनले सरकारी ई–गभर्नेन्स प्रणालीमा अनधिकृत पहुँच बनाएर ठेक्का प्रक्रियामा हस्तक्षेप गरेको खुलासा भएको सिआइबीले जनाएको छ । प्रतिवादीहरूको सूचीमा विभिन्न निर्माण कम्पनी तथा सप्लायर्सका सञ्चालकहरू रहेका छन् । तीमध्ये कालिका कन्स्ट्रक्सनका विक्रम पाण्डे, कटुवाल कन्स्ट्रक्सनका सागर कटुवाल, शिवांश निर्माण सेवाका अनिल श्रेष्ठ, भिसान कन्स्ट्रक्सनका टंककुमार श्रेष्ठ, चपुर निर्माण सेवाका अमृत बोहोरा, आइकोन प्रालिका स्वदेश पोखरेल, केबीके कन्स्ट्रक्सनका राहुलजंग कार्की, राइजिङ पिकका सुजन अधिकारीलगायत छन् ।
त्यसैगरी आशिष निर्माण सेवा, कल्पवृक्ष बिल्डर्स, रेमिट इन्फ्रास्ट्रक्चर, एसके कन्स्ट्रक्सन, दक्षिणकाली अल ओभर लगायतका कम्पनीसँग सम्बन्धित व्यक्तिहरू पनि प्रतिवादी बनेका छन् । उनीहरूमाथि ठेक्का प्रक्रियामा मिलेमतो, अनधिकृत पहुँच तथा आर्थिक लाभका लागि प्रणाली दुरुपयोग गरेको आरोप छ । सिआइबीका अनुसार देउजाले बोलपत्र खुल्नुअघि नै प्रणालीमा प्रवेश गरेर विवरण परिवर्तन गर्ने, न्यूनतम मूल्य समायोजन गरी ठेक्का आफ्नो समूहका कम्पनीलाई दिलाउने कार्य गरेको देखिएको छ । उनले एज्ए प्रोग्रामिङ, क्लाउड सर्भर तथा अन्य प्रविधि प्रयोग गरी प्रणालीमा ब्याकडोर बनाएको अनुसन्धानमा उल्लेख छ ।
अनुसन्धानले देउजाले ठेकेदारहरूसँग गोप्य सम्पर्क गर्ने, व्हाट्सएप र इमेलमार्फत बार्गेनिङ गर्ने तथा ठेक्का मिलाइदिने प्रलोभन दिने गरेको देखाएको छ । यसका लागि नक्कली व्यक्तिको पहिचान बनाएर सञ्चार गर्ने प्रणालीसमेत प्रयोग गरिएको बताइएको छ । अर्का प्रतिवादी भाष्करराज अर्यालले बिटक्वाइनमार्फत विदेशमा रहेका व्यक्तिहरूको सहयोगमा भुक्तानी आदानप्रदान गर्ने र नेपालमा नगदमा रूपान्तरण गर्ने कार्यमा संलग्न रहेको आरोप छ । यसले प्रकरणमा क्रिप्टो कारोबारको प्रयोगसमेत भएको पुष्टि भएको अनुसन्धान अधिकारीहरूले बताएका छन् ।
यसअघि पनि मुख्य अभियुक्त देउजा नेपाल टेलिकमको मोबाइल एप ह्याक गरी राजस्व क्षति पुर्याएको आरोपमा पक्राउ परेका व्यक्ति भएको खुलेको छ । सो घटनापछि पनि उनले साइबर अपराधसँग सम्बन्धित गतिविधि निरन्तर गरेको अनुसन्धान निष्कर्ष छ । सिआइबीले यो प्रकरणलाई संगठित साइबर अपराधको जटिल उदाहरणका रूपमा व्याख्या गर्दै थप अनुसन्धान तथा प्रमाण संकलन जारी रहेको जनाएको छ ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
1667912853.jpg)
.JPG)
.jpeg)
.jpg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google