.png "Win Recruit Nepal"){kind=logo}
काठमाडौं । प्रमुख प्रतिपक्षी दलदेखि लोकतान्त्रिक मूल्य मान्यताका पक्षधरहरुले समेत तीव्र आलोचना गरेपछि सरकारले निर्वाचन कार्यालयहरु जिल्ला प्रशासन मातहत गाभ्ने आर्थिक वर्ष ०८०/०८१ को बजेटमा प्रस्तावित व्यवस्था संशोधन गर्न बाध्य भएको छ । संशोधित व्यवस्था अनुसार जिल्ला निर्वाचन कार्यालयहरु अहिले जेजस्तो अवस्थामा छन् त्यही अवस्थामा स्वायत्त रुपमा रहनेछन् ।
सरकारले खर्च कटौतीको नाममा विभिन्न सरकारी कार्यालयहरु खारेज र एक अर्कामा गाभ्ने भन्दै निर्वाचन कार्यालयहरुलाई जिल्ला प्रशासनको इकाइको रुपमा रहने प्रस्ताव बजेटमा ल्याएको थियो ।
तर लोकतन्त्रमा निष्पक्ष निर्वाचन हुनुपर्ने र त्यसका लागि आयोगहरु स्वायत्त हुनुपर्ने मान्यताकै प्रतिकूल हुनेगरी सरकार उभिएको भन्दै प्रतिनिधिसभामा एमाले, रास्वपा लगायतका विपक्षी दलले तीव्र विरोध गरेका थिए ।
बुधबार पनि बजेट पारित गर्ने कार्यसूचीमा अघि बढ्न खोजेपछि दुई दलले प्रतिनिधिसभामा विरोध गरेका थिए । अर्थमन्त्री प्रकाशशरण महतले उक्त व्यवस्था हटाउने मौखिक प्रतिबद्धता जनाएका थिए । तर त्यसको भरमा मात्रै नहुने भन्दै बुधबारको बैठकमा समेत उनीहरुले आपत्ति जनाएपछि प्रतिनिधि सभाको बैठक नै रोकिएको थियो । सरकारले लिखित रुपमै संशोधन गरी उक्त व्यवस्था हटाउने प्रस्ताव बैठकमा ल्याएपछि मात्र बजेट पास गराउन मतविभाजनको प्रक्रिया सुरु भएको छ ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google