.png "Win Recruit Nepal"){kind=logo}
गण्डकी । ढोरपाटन नगरपालिकाका मेयर देवकुमार नेपाली अध्यक्ष रहेको इमेज बचत तथा ऋण सहकारी बागलुङका तीन जना प्रक्राउ परेका छन् । प्रहरीका अनुसार अहिलेसम्म इमेज बचत तथा ऋण सहकारी बागलुङका प्रबन्धक शक्ति किसान, सञ्चालक चित्र बहादुर भण्डारी र कर्मचारी लालमति रोका पक्राउ परेका हुन् । प्रबन्धक शक्ति किसानलाई सोमबार दिउँसो बागलुङ नगरपालिका २ हल्लन चोकमा रहेको इमेज सहकारीको कार्यालयबाट पक्राउ गरिएको हो भने, सञ्चालक चित्र बहादुर भण्डारीलाई जेठ ३२ गते बुर्तिबाङ बजारबाट र कर्मचारी लालमती रोकालाई असार १ गते ताराखोलाबाट पक्राउ गरएिको बाग्लुङ प्रहरीले जनाएको छ ।
सञ्चालक, प्रबन्धक र कर्मचारी पक्राउ परेपनि अध्यक्ष तथा ढोरपाटनका मेयर नेपाली भने अझैं फरार छन् । नेपाली परिवारसहित जेठ ५ गतेदेखि बुर्तिबाङ बजारबाट फरार भएको बताइएको छ ।
नेकपा एमालेबाट ढोरपाटन नगरपालिकाका मेयर जितेका देवकुमार नेपालीले पनि दुई वटा छुट्टाछुट्टै सहकारीमा सर्वसाधारणको दुई अर्ब रकम अपचलन गरेर फरार छन् । पोखरा र बागलुङमा कार्यालय रहेको ‘इमेज बचत तथा ऋण सहकारी संस्था’ मा रहेको सर्वसाधारणको दुई अर्ब निक्षेप अपचलन गरेको आरोप लागेको छ ।
पोखरा र बागलुङमा ‘इमेज बचत तथा ऋण सहकारी संस्था’का नाममा दुई वटा छुट्टाछुट्टै सहकारी खोलेर उनले सर्वसाधारणको दुई अर्ब अपचलन गरेको प्रारम्भिक अनुसन्धानमा भेटिएको छ । बागलुङमा मात्रै सहकारीले आठ सय जना सेयर सदस्य र ३ हजार २ सय जना बचतकर्ताको करिब डेढ अर्ब रुपैयाँ बचत रहेको देखिएको छ । सो सहकारीको बागलुङ बुर्तिवाङ र गलकोटमा सेवा केन्द्र सञ्चालनमा छ ।
इमेज बचत तथा ऋण सहकारी विरुद्ध जिल्ला प्रहरी बाग्लुङमा जाहेरी दर्ता भइरहेको छन् । जिल्ला प्रहरी बाग्लुङले जेठ ३१ गते जाहेरी दिन अनुरोध गरेको थियो । अन्य सञ्चालकको खोजी भइरहको प्रहरीले जनाएको छ ।
.jpg)
_GnRvz8QHio.jpg)
