.png "Win Recruit Nepal"){kind=logo}
काठमाडौँ । डेल्टा अटोकर्प प्रालिले नेपालका लागि नयाँ अप्रिलिया एसआर १६० ल्याएको छ । नाडा अटो शोमा यसको अनावरण गरिएको हो ।
नयाँ अप्रिलिया एसआर १६० प्राविधिकरुपमा अत्याधुनिक आई–गेट इन्जिनले सुसज्जित रहेको कम्पनीले जनाएको छ । यसलाई सवारी चालकहरूलाई उनीहरूको दैनिक सिग्नल-टू-सिग्नलको दौड जित्नको लागि एक्सेलेरेसनमा महत्त्वपूर्ण फाइदा दिन तयार गरिएको छ ।
अप्रिलिया एसआर १६० मा शक्तिशाली १६० सीसी इन्जिन छ र यो मात्र ७.५ सेकेन्ड भित्रै ० देखि ६० किलोमिटर प्रति घण्टा सहजै जान्छ । यो स्कूटर सहरी सडकहरुमा चलाउन सजिलो छ, विशेष गरी ट्राफिकमा यसले ज्यादै उपयोगी फाइदा दिन्छ । यो पूर्ण डिजिटल डिस्प्ले, आधुनिक एबीएस, टेलिस्कोपिक फ्रन्ट फोर्क, सुरक्षित र रोमाञ्चक सवारी अनुभव सुनिश्चित गर्ने अन्य सुविधाहरूले पनि सुसज्जित छ । यसको स्पोर्टी डिजाइन र उत्कृष्ट ह्यान्डलिंगले गर्दा यो शहरी चालकहरू र युवा चालकहरूका लागि एक उचित विकल्प बन्ने छ ।
अप्रिलिया एसआर १६० भारतबाट सीधै आयात गरिनेछ र यो कालो, रातो, सेतो, निलो र खरानी रंगहरूमा उपलब्ध हुनेछ । यसको मूल्य रु ३ लाख ९५ हजार ९०० रुपैयाँ बाट सुरु हुनेछ ।
.jpg)
_GnRvz8QHio.jpg)
प्रतिक्रिया गर्न लग इन गर्नु होस्:
Log in with Google