.png "Win Recruit Nepal"){kind=logo}
काठमाडौं । हिमालयन बैंकले सिभिल बैंकलाई प्राप्ति गरी आजबाट एकीकृत कारोबार शुरु गरेको छ । हिमालयनले सिभिललाई प्राप्ति गरी एकीकृत कारोबार शुरु गरेपछि हाल सञ्चालनमा रहेका २२ वाणिज्य बैंकको संख्या २१ मा झरेको हो ।
हिमालयनले सिभिल बैंकलाई प्राप्ति गरी ‘हिमालयन बैंक लिमिटेड’कै नाममा एकीकृत शुरु गरेको हो । एकीकृत कारोबारसँगै बैंकको कूल पूँजी ३४ अर्ब, कूल निक्षेप २७४ अर्ब, कूल कर्जा २५० अर्ब र शाखा सञ्जाल १८९ पुगेको छ ।
सिभिल बैंक १०० कित्ता शेयर बराबर हिमालयन बैंकमा ८०.२८ कित्ता हुने गरी मर्जर भएको हो । हिमालयनले सिभिललाई प्राप्ति गरेपछि कूल चुक्ता पूँजी २४ अर्ब भन्दा बढी भएको छ । सिभिललाई प्राप्तिपछि बैंकको रजिस्टर्ड कार्यालय हाल हिमालयन बैंकको रजिस्टर्ड कार्यालय रहेको स्थान कमलादीमै रहेको छ ।
दुई बैंक सञ्चालन समितिको निर्णय अनुसार हिमालयनले सिभिल बैंकलाई प्राप्ति गरेपछि सञ्चालक समिति हिमालयन बैंकको रहने तथा प्रमुख कार्यकारी अधिकृत हिमालयन बैंकका अशोक राणा नै रहने छन् ।
हिमालयनले सिभिललाई प्राप्ति गर्ने सम्बन्धी गत असार २९ गते प्रारम्भिकर समझदारी पत्रमा हस्ताक्षर भएको थियो भने गत पुस २८ गते सम्पन्न दुबै बैंकको साधारण सभाबाट प्राप्ति सम्बन्धी प्रस्ताव पारित भएको थियो । समझदारी पत्रमा हिमालयन बैंकका अध्यक्ष प्रचण्डबहादुर श्रेष्ठ र सिभिल बैंकका अध्यक्ष प्रतापजंग पाण्डेले हस्ताक्षर गरेका थिए ।
यसअघि हिमालयन र इन्भेस्टमेन्ट बैंकबीच १ः१ अनुपातमा मर्ज सम्झौता भए पनि भाँडिएको थियो ।
.jpg)
_GnRvz8QHio.jpg)
