.png "Win Recruit Nepal"){kind=logo}
काठमाडौं । नेपाल राष्ट्र बैंकका गर्भनर महाप्रसाद अधिकारीले ब्याजदरको विषयमा बोल्दै ‘२०४६ साल पछाडि फर्किन खोजेको हो ?’ भन्ने प्रश्न गरेका छन् ।
शुक्रबारदेखि काठमाडौंमा सुरु भएको दोस्रो अर्थशास्त्री सम्मेलनमा गभर्नर अधिकारीले वि.सं. २०४६ देखि बजारले नै ब्याजदर तोक्ने गरी खुलाबजार अर्थतन्त्र अँगालेको स्मरण गराउँदै अहिले फेरि राष्ट्र बैंकले नियन्त्रण गर्नुपर्ने माग उठेको भन्दै यस्तो प्रश्न गरेका हुन् ।
आवश्यक स्थानमा राष्ट्र बैंकले नियमन र कडाइ गरिरहेको उनले स्पष्ट पारे । उनले अहिले लङ टर्म इन्भेस्टमेन्टका बारेमा सोचिरहेकाले ऋणलाई जथाभावी प्रयोग गर्दा समस्यामा पर्नसक्ने बताए ।
आवाजविहीनहरुको र साना लगानीकर्ताहरुको लागि, दुई करोडभन्दा कम लगानी गर्नेहरुको लागि बेस रेटमा दुई प्रतिशतभन्दा बेसी चार्ज गर्न नपाउने व्यवस्था गरेको पनि अधिकारीले बताए ।
'हामीले भ्वाइसलेसहरुको लागि, स्मल होल्डरको लागि दुई करोडभन्दा कम लगानी गर्नेहरुको लागि बेस रेटमा दुई प्रतिशतभन्दा बेसी चार्ज गर्न नपाउने व्यवस्था गरेका छौँ,' उनले भने ।
गभर्नर अधिकारीले पछिल्लो समय अर्थतन्त्रमा सुधार हुँदै गइरहेको बताए । उनले नेपाल समान देशको तुलनमा नेपालको अर्थतन्त्र सुधार भइरहेको उल्लेख गरे ।
पुस मसान्तको तथ्यांकअनुसार नै झन्डै एक खर्बको शोधनान्तर बचत रहेको भन्दै गत सालको पुस मसान्तमा २४१ अर्बको घाटा रहेको स्पष्ट पारे । उनले अर्थतन्त्रका वाह्य क्षेत्रको तथ्यांक सुधार भएर गएको बताए ।
गभर्नर अधिकारीले नेपाल अहिले करिब १० अर्बभन्दा बढी डलर सञ्चितिमा रहेको भन्दै करिब १० महिनाको आयातलाई धान्नसक्ने क्षमतामा रहेको बताए ।
“हामी अहिले करिब १० अर्बभन्दा बढी डलरको सञ्चितिमा छौँ । करिब १० महिनाको आयातलाई धान्नसक्ने क्षमतामा छौँ,” उनले भने, “यसले हामीलाई के बुझाउँछ भने, हामी सुधारको अवस्थामा छौँ । सबै कुरालाई नकारात्मक रुपले नलिऔँ । हामी सहज स्थितिमा छौँ ।”
गभर्नर अधिकारीले अर्थतन्त्रका संरचनागत विषयमा धेरै सुधार गर्न जरुरी रहेको बताए । उनले अर्थतन्त्र अहिले सहज स्थितिमा रहेको भन्दै सबै कुरालाई नकारात्मक रुपले नहेर्न आग्रह गरे ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google