.png "Win Recruit Nepal"){kind=logo}
फ्लोरिक्लचर एसोसिएन नेपाल (फ्यान) इलाम शाखाको दोश्रो साधारण सभा सम्पन्न
इलाम । सूर्योदय नगरपालिकाका प्रमुख रणबहादुर राईले फूल खेती प्रर्वद्धनका लागि नगरपालिकाबाट सहयोग गर्ने बताएका छन् । फ्लोरिक्लचर एसोसिएन नेपाल (फ्यान) इलाम शाखाको दोश्रो साधारण सभाको उद्घाटन गर्दै नगरप्रमुख राईले स्थानीय उत्पादनलाई प्रोत्साहन गर्न र फूलमा आत्मनिर्भर हुन नगरपालिकाबाट सहयोग गर्ने बताएका हुन् । उनले भने, ‘नेपाली उत्पादनलाई प्रोत्साहन गरेर भारतबाट आयात हुने फूल प्रतिस्थापन गर्नुपर्छ ।’
फ्लोरिक्लचर एसोसिएन नेपाल (फ्यान)को इलाम शाखाकी अध्यक्ष सावित्री देवी राईको अध्यक्षतामा भएको कार्यक्रममा फ्यानका केन्द्रीय अध्यक्ष मीन बहादुर तामाङले नेपालमा फूल व्यवसायीहरुको अवस्था तथा उत्पादनबारे जानकारी दिए । उनले तीनै तहका सरकारबाट फूल खेती तथा बजारीकरणमा प्रोत्साहन सहयोग हुनुपर्ने बताए ।
उनले फ्लोरिकल्चर क्षेत्रमा ७ अर्व लगानी रहेको बताए । गत आर्थिक वर्षमा ३ अर्ब ७ करोडको फूलको व्यापार भएको उनले बताए । उनले फुल क्षेत्रमा सक्रियताका कारण ९० प्रतिशत नेपालको उत्पादन खपत भइरहेको बताउदैं तामाङले कोभिड अघि नेपालबाट १९ करोडको फुल निर्यात भएकोमा हाल ६८ लाखको मात्र नेपाल बाहिर गएको जानकारी दिए ।
सूर्योदय नगरपालिकाको सभाहलमा सम्पन्न कार्यक्रममा फ्लोरिकल्चर एसोसिएसनका केन्द्रीय सदस्य कृष्णराम थापा, सूर्योदय नगर कृषि शाखा प्रमुख सीमा कार्की, फ्लोरिकल्चर एसोसिएनका इलाम सल्लाहकार हिमान तामाङ, पत्रकार नमीन ढकाललगायतको उपस्थिति रहेको थियो । कार्यक्रमको सञ्चालन इलाम शाखाकी सचिव रञ्जिता जिमी याक्खाले गरेकी थिइन् ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
प्रतिक्रिया गर्न लग इन गर्नु होस्:
Log in with Google