दिनानुदिन बढ्दै कफीको माग, ७७.८६ मेट्रिक टन कफी निर्यात हुँदा ४५० मेट्रिक टन कफी आयात

दर्पण दैनिक १ मंसिर २०८०,०८:५६
post

काठमाडाैं । राष्ट्रिय चिया तथा कफी विकास बोर्डले १९औँ राष्ट्रिय कफी दिवस मनाउने भएकाे छ । कफी उत्पादक किसान, स्टेट, प्रशोधक, विक्रेता, कफी उपभोक्ताको उत्सवको रूपमा रहेको 'राष्ट्रिय कफी दिवस' को १९औँ संस्करण पनि बोर्डले मनाउने भएकाे हाे  । 

कार्यकारी निर्देशक डा. विष्णु प्रसाद भट्टराईले कफीसँग सरोकार राख्ने सबैले आ-आफ्नो स्थानमा प्रत्येक वर्ष मंसिर १ गते हर्सोल्लासका साथ मनाइने कफी दिवसको मूल समारोह यस पटक नेपालीहरुको महान चाड/पर्वहरुको बीचमा परेका कारण मंसिर १ मा औपचारिक कार्यक्रम नहुने बताए ।

विसं १९९५ सालमा हिरा गिरीले बर्माबाट ल्याएको कफीको वीउ गुल्मीको आँपचौरमा रोपण गरे पछि नेपालमा कफी खेती सुरूवात भएको मानिन्छ । यस वर्षको १९औँ राष्ट्रिय कफी दिवसको मूल नारा "कफीको क्षेत्रको प्रवर्द्धन र संरक्षण, दिगो उत्पादनमा महिला र युवालाई प्रोत्साहन" रहेको छ ।


यस्ताे छ, बोर्डकाे विज्ञप्ति

मात्रात्मक रूपमा थोरै उत्पादन भए पनि नेपाली कफीले स्वाद र गुणस्तरका हिसाबले विश्वका उत्कृष्ट कफीहरुसंग समतुल्य स्थान बनाउन सफल हुनु हामी सबैको लागि गौरवको कुरा हो ।स्पेसियालिटी कफीको रूपमा नाम कमाइसकेको नेपाली कफीको माग स्वदेश तथा विदेशमा उच्च रहेको छ । एक दसक अघिसम्म कुलिन वर्गको मात्र पेय पदार्थको रूपमा लिइने कफी आज हरेक भान्साको सोभा बनिसकेको छ । विशेषगरी शहरी क्षेत्रमा बढ्दो कफी संस्कृतिले गर्दा कफीको आन्तरिक बजारमा पनि व्यापक वृद्धी भएको देखिन्छ । 

आ.व. २०७८/७९ को तथ्याङ्क अनुसार १२ करोड ७६ लाख बराबरको २७९.८ मेट्रिक टन कफी नेपालमा आयात हुँदा ११ करोड ७० लाख रूपैयाँ बराबरको ६९.५ मेट्रिक टन मात्रै कफी निर्यात भएको छ । भन्सार विभागको आ.व. २०७९/०८० को तथ्याँक अनुसार १३ करोड ४ लाख बराबरको ७७.८६ मेट्रिक टन कफी निर्यात हुँदा ३२ करोड ५८ लाख बराबरको ४५० मेट्रिक टन कफी आयात भएको थियो । 

आ.व. २०७९/८० मा नेपालभर ३९४.४ मेट्रिक टन ग्रीन वीन कफी उत्पादन भएको छ भने कुल उत्पादनको झन्डै २० प्रतिशत कफी विदेश निर्यात भएको देखिन्छ । नेपाली कफीले अन्तराष्ट्रिय बजारमा स्वाद र गुणस्तरको हिसाबले अन्य राष्ट्रको भन्दा बढी मूल्य प्राप्त गर्दै आएको छ । नेपाली कफी निर्यात हुँदा सरदर प्रति केजी १६ अमेरिकी डलर प्राप्त गर्दै आएको छ । आयात मूल्यको तुलनामा झण्डै २-३ गुणा बढी मुल्यमा नेपाली कफी निर्यात हुँदै आएको छ । दिनानुदिन कफी सेवनकर्ताहरुको माग बढ्नु र युवाहरुको प्राथमिकतामा परेको कफी क्याफे तथा आउटलेट स्थापनाले गर्दा कफीको माग बढ्दै गइरहेको हुनाले पनि आन्तरिक माग पुर्तीका लागि कफीको रोपण तथा उत्पादन वृद्धिमा सबैको ध्यान पुग्नु पर्ने देखिन्छ ।गत वर्षको कफी आयातको तथ्यांकले पनि तीव्र रुपमा मौलाउदो कफी संस्कृति तथा क्याफे व्यवसाय स्थापनाले कफीको माग उच्च वृद्धिले उल्लेखनीय रुपमा आयात बढ्दो रुपमा देखिन्छ ।


समग्र कफी क्षेत्रको प्रवर्द्धन र संरक्षण गर्दै कफी क्षेत्रमा युवा पुस्ताहरुलाई आकर्षण गरि सिमित क्षेत्रमा गरिदै आएको कफी खेतिलाई कफी स्टेटमा रुपान्तरण गर्नसकेमा मात्रै व्यवसायिक उत्पादनर आत्मनिर्भर बन्न सकिने तथ्यलाई बोर्डले प्रमुखताका साथ अगाडि बढाएको छ ।


कफीको न्यूनतम सहमतमूल्य निर्धारण सन्दर्भमा

२०८० मंसिर १ गते देखि लागु हुने गरी यस वर्षको कच्चा कफीको मूल्य निम्नानुसार तोकिएको छ ।

फ्रेस चेरी कफी

ग्रेड A रू १००।- प्रति केजी (नोटः- ८०० मिटरभन्दा माथि, प्राङ्गारिक पद्धती अपनाएर उत्पादन गरिएको, ठिक्क पाकेको, पानीमा राख्दा डुब्ने, केलाएर छानिएको चेरीलाइ ग्रेड A मानिने छ ।)

ग्रेड B रू ९०।- प्रति केजी (नोटः- ग्रेड A मा नपरेका अन्य कफीलाइ ग्रेड B मानिनेछ ।)

पार्चमेन्ट कफी

ग्रेड A रू ५००।- प्रति केजी (नोटः- ग्रेड A गुणस्तरको फ्रेस चेरीबाट उत्पादन भएको, पानीमा राख्दा डुब्ने, ११% चिस्यान भएको कफी पार्चमेन्टलार्इ ग्रेड A मानिनेछ ।)
ग्रेड B रू ४५०।- प्रति केजी (नोटः- ग्रेड B गुणस्तरको कफीबाट उत्पादन भएको पार्चमेन्टलार्इ ग्रेड B मानिनेछ ।)


ड्राइ चेरी कफी

ग्रेड A रू २००।- प्रति केजी (नोटः ग्रेड A गुणस्तरको फ्रेस चेरीबाट उत्पादन भएको ड्राइ चेरीलाइ ग्रेड A मानिनेछ ।)

ग्रेड B रू 1५०।- प्रति केजी (नोटः ग्रेड B गुणस्तरको फ्रेस चेरीबाट उत्पादन भएको ड्राइ चेरीलाइ ग्रेड B मानिनेछ ।)

 

 

सम्बन्धित खबर

post

लोप हुँदै जुनेलो खेती

१९ माघ २०७९,०८:३२
post

टर्की पालनबारे जानाकरी

६ फाल्गुन २०७९,२०:४६
post

बजेट कार्यान्वयन निराशाजनक

१७ फाल्गुन २०७९,०८:२४
post

चैतदेखि बैंकको ब्याजदर घट्ने

२५ फाल्गुन २०७९,१२:१२
post

घट्यो हवाई भाडा (सूचीसहित)

२१ चैत्र २०७९,१९:१४
post

इसेवाले ल्यायाे एकमा ४ अफर

२२ बैशाख २०८०,०८:३७
post

बजेट भाषण २०८० /०८१ (LIVE)

१५ जेष्ठ २०८०,१६:३१
post

कुन मन्त्रालयलाई कति बजेट ?

१६ जेष्ठ २०८०,०८:४१
post

आयकरमा नयाँ व्यवस्था

२० जेष्ठ २०८०,१४:४६
post

संसद्‌मा आजदेखि बजेट छलफल

२१ जेष्ठ २०८०,०६:३७
post

ग्लोबल आईएमई बैंक सम्मानित

२५ जेष्ठ २०८०,२१:१७
post

तरकारी र फलफूलको आयात घट्यो

३१ जेष्ठ २०८०,०६:५२
post

कुन बैंकको नाफा कति ?

२२ श्रावण २०८०,०८:५३
post

विनोद चौधरीलाई एशियन अवार्ड

३१ श्रावण २०८०,१९:४९